ମେଲବୋର୍ଣ୍ଣ: ମହିଳା ଟି-୨୦ ବିଶ୍ଵକପର ୧୪ଶ ମ୍ୟାଚରେ ଭାରତ ବିପକ୍ଷରେ ଶ୍ରୀଲଙ୍କା ଟସ୍ ଜିତି ପ୍ରଥମେ ବ୍ୟାଟିଂ କରୁଛି। ଦଳ ବ୍ୟାଟିଂ ୧୦.୪ ଓଭର ଖେଳ ଶେଷ ସୁଦ୍ଧା ଶ୍ରୀଲଙ୍କା ୪ ୱିକେଟ୍ ବିନିମୟରେ ୫୮ ରନ୍ ସଂଗ୍ରହ କରିଛି। ଭାରତୀୟ ବୋଲରଙ୍କ ଦମ୍ଦାର ପ୍ରଦର୍ଶନ ଯୋଗୁ ଶ୍ରୀଲଙ୍କା ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି।ବ୍ୟାଟିଂ ଆରମ୍ଭରୁ ଓପନର ଉମେଶା ଥିମାସିନି ଦୀପ୍ତି ଶର୍ମାଙ୍କ ବଲରେ ଆଉଟ ହୋଇ ପ୍ୟାଭିଲିଅନ ଫେରିଥିଲେ। ସେ ମାତ୍ର ୨ ରନ୍ କରି ଆଉଟ୍ ହୋଇଯାଇଥିଲେ। ପରେ ହର୍ସିତା ମାଦବୀ ଏବଂ ଚାରାମି ଆଟ୍ଟାପାଟଥୁ ଦଳର ସ୍ଥିତିକୁ ସୁଧାରିଥିଲେ। ତେବେ ଦଳର ସ୍କୋର ୪୨ ରନ ହୋଇଥିବାବେଳେ ଭାରତୀୟ ବୋଲର ରାଜେଶ୍ଵରୀ ତାଙ୍କୁ ଆଉଟ୍ କରିଦେଇଥିଲେ। ପରେ ପରେ ଆଟାପାଟଥୁ ୩୩ ରନ୍ରେ ଏବଂ ହାସିନା ପେରେରା ୭ ରନ୍ କରି ଆଉଟ ହୋଇଯାଇଥିଲେ।
ସୂଚନାଯୋଗ୍ୟ, ଚଳିତ ବିଶ୍ଵକପରେ ଏହା ଭାରତର ୪ର୍ଥ ମ୍ୟାଚ। ଏହା ପୂର୍ବରୁ ଭାରତ ୩ଟି ମ୍ୟାଚ ଖେଳି ସାରିଥିବାବେଳେ ସମସ୍ତ ମ୍ୟାଚରେ ବିଜୟୀ ହୋଇ ୬ ପଏଣ୍ଟ ସହିତ ଗ୍ରୁପ୍-ଏ ତାଲିକାରେ ଶୀର୍ଷରେ ରହିଛି।
