ଗୁରୁଡିଝାଟିଆ : ଘଣ୍ଟିଖାଲ ଚନ୍ଦ୍ରାବଳି ଶ୍ୟାମପୁର ଠାରେ ଅବସ୍ଥିତ ଶ୍ରୀସିମେଣ୍ଟ କାରଖାନା କର୍ତ୍ତୃପକ୍ଷ ପରିସରକୁ ପ୍ଲାଷ୍ଟିକମୁକ୍ତ କରିବା ନିମନ୍ତେ ଏକ ପ୍ରୟାସ ଆରମ୍ଭ କରିଛନ୍ତି । ପରିସରରେ ଥିବା ସମସ୍ତ ପ୍ଲାଷ୍ଟିକ ବର୍ଯ୍ୟବସ୍ତୁ ଯଥା ଜରି, ବୋତଲ ଓ ବିଭିନ୍ନ ପ୍ଲାଷ୍ଟିକ ପଦାର୍ଥକୁ ପରିସ୍କାର ପରିଚ୍ଛନ୍ନ କରି ପ୍ଲାଷ୍ଟିକ ମୁକ୍ତ ପରିସର ପାଇଁ ସମସ୍ତେ ପ୍ରଯତ୍ନଶୀଳ ହେବା ପାଇଁ କାରଖାନାର ୟୁନିଟ ମୁଖ୍ୟ ସର୍ବେଶ୍ୱର ମହାନ୍ତି କହିବା ସହ ଏହାକୁ ଜୀବନର ଏକ ଅଂଶ ଭାବରେ ପରିଣତ କରିବା ଆବଶ୍ୟକ ବୋଲି ବୁଝାଇଥିଲେ। ଏହାଦ୍ୱାରା ଜଙ୍ଗଲ ଓ ପରିବେଶ ନିୟମକୁ ଆମ୍ଭେ ମାନିବା ସହିତ ପରିବେଶକୁ ସୁସ୍ଥ ରଖିପାରିବା। କାରଖାନାର ବିିିଭିନ୍ନ ବିଭାଗ ନିଜ ନିଜ ସ୍ତରରେ ଏହାକୁ ଅନୁପାଳନ କରିବା ନିମନ୍ତେ କାରଖାନାର ମାନବ ସମ୍ବଳ ମୁଖ୍ୟ ପ୍ରଦୀପ କୁମାର ଭୋଇ କାର୍ଯ୍ୟକ୍ରମରେ ଯୋଗଦେଇ ସମସ୍ତଙ୍କ ସହଯୋଗ କାମନା ସହିତ ଏହାର ସଫଳତା କାମନା କରିଥିଲେ।
Comments are closed.