ମସ୍କୋ : ଫିଫା ବିଶ୍ୱକପ୍ ଚମ୍ପିଆନ୍ ହୋଇଥିବା ଫ୍ରାନ୍ସ ଫୁଟବଲ ଦଳକୁ ବିଭିନ୍ନ ମହଲରୁ ଶୁଭେଚ୍ଛା ମିଳିଛି। ଏହି କ୍ରମରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚମ୍ପିଆନ୍ ଦଳକୁ ଶୁଭେଚ୍ଛା ଜ୍ଞାପନ କରିଛନ୍ତି। ନିଜ ଟ୍ୱିଟର୍ ଆକାଉଣ୍ଟରେ ମୋଦୀ ଫ୍ରାନ୍ସ ଦଳକୁ ଶୁଭେଚ୍ଛା ଜଣାଇବା ସହ ଏହି ଦଳ ବିଶ୍ୱକପ୍ରେ ମୂଳରୁ ଆକର୍ଷଣୀୟ ପ୍ରଦର୍ଶନ କରିଥିବା ଦର୍ଶାଇଛନ୍ତି। ଏଥିସହ ସଫଳତାପୂର୍ବକ ବିଶ୍ୱକପ୍ ଆୟୋଜନ କରିଥିବାରୁ ସେ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁତିନ୍ ଓ ଆୟୋଜକ କମିଟିର ପ୍ରଶଂସା କରିଥିଲେ। ସେହିପରି ଆମେରିକା ରାଷ୍ଟ୍ରପତି ଭ୍ଲାଦିମିର ପୁତିନ ମଧ୍ୟ ଟ୍ୱିଟର୍ ମାଧ୍ୟମରେ ବିଶ୍ୱବିଜୟୀ ଫ୍ରାନ୍ସ ଦଳକୁ ଶୁଭେଚ୍ଛା ଜଣାଇବା ସହ ରୁଷିଆ ରାଷ୍ଟ୍ରପତି ଓ ଆୟୋଜକଙ୍କ ଉଦ୍ୟମକୁ ଉଚ୍ଚପ୍ରଶଂସା କରିଛନ୍ତି। ଏମାନଙ୍କ ବ୍ୟତୀତ ରାଜନେତା ଅଖିଳେଶ ଯାଦବ, କିରଣ ବେଦୀ, ଜ୍ୟୋତିରାଦିତ୍ୟ ସିନ୍ଧିଆ ଏବଂ କଂଗ୍ରେସ ଦଳ ତରଫରୁ ବିଶ୍ୱବିଜୟୀ ଫ୍ରାନ୍ସ ଦଳକୁ ଶୁଭେଚ୍ଛା ଜ୍ଞାପନ କରାଯାଇଛି।
Popular Categories
Previous article
Next article