ନୂଆଦିଲ୍ଲୀ : ହିରୋ ମୋଟକର୍ପ ଦେଶର ସବୁଠାରୁ ଅଧିକ ବିକ୍ରି ହେଉଥିବା ସ୍ପ୍ଲେଣ୍ଡର ମୋଟରସାଇକେଲକୁ କିଛି ଅପଡେଟ୍ ସହିତ ବଜାରକୁ ନେଇଆସିଛି । କମ୍ପାନୀ ପ୍ରଥମ ଥର ଏହାକୁ ଫ୍ରଣ୍ଟ ଡିସ୍କ ବ୍ରେକ୍ ସହିତ ଅପଡେଟ୍ କରିଛି । ଏହାକୁ ସ୍ପ୍ଲେଣ୍ଡର ପ୍ଲସ୍ ଏକ୍ସଟେକ୍ ନାଁ ଦିଆଯାଇଛି । ଏହି ହାର୍ଡଓ୍ବେୟାର ଅପଡେଟ୍ ସହିତ ବାଇକର ଏକ୍ସ ଶୋରୁମ୍ ଦାମ୍ ୮୩,୪୬୧ ଟଙ୍କା ରହିଛି । ଡ୍ରମ ବ୍ରେକ୍ ମଡେଲର ଏକ୍ସ ଶୋରୁମ୍ ଦାମ୍ ୭୯,୯୧୧ ଟଙ୍କା ରହିଛି ।
ସ୍ପ୍ଲେଣ୍ଡର ପ୍ଲସ୍ ଏକ୍ସଟେକର ଡିଜାଇନରେ ଅଧିକ କିଛି ଖାସ୍ ପରିବର୍ତ୍ତନ ହୋଇନି । ଏଥିରେ କେବଳ ଡିସ୍କ ବ୍ରେକ୍ ଯୋଡାଯାଇଛି । ଅର୍ଥାତ୍ ଏଥିରେ ପୂର୍ବ ଇଞ୍ଜିନ୍, ଡିଜାଇନ୍, ମାଇଲେଜ୍ ମିଳିବ । ବାଇକରେ ଏଲଇଡି ଡିଆରଏଲ୍ ମଧ୍ୟ ଦେଇଛି କମ୍ପାନୀ । ହିରୋ ସ୍ପ୍ଲେଣ୍ଡର ପ୍ଲସ୍ ଏକ୍ସଟେକରେ ୧୦୦ ସିସି ସିଙ୍ଗଲ ସିଲିଣ୍ଡର ଇଞ୍ଜିନ ମିଳୁଛି । ବାଇକରେ ବ୍ଲୁଟୁଥ୍, ଡିଜିଟାଲ୍ ଇନଷ୍ଟ୍ରୁମେଣ୍ଟ କନସୋଲ୍ ଓ ୟୁଏସବି ଚାର୍ଜିଂ ସ୍ଲଟ୍ ମଧ୍ୟ ମିଳୁଛି । ବଜାରରେ ଏହାର ମୁକାବିଲା ହୋଣ୍ଡା ସାଇନ୍, ବଜାଜ ପ୍ଲାଣ୍ଟିନା, ଟିଭିଏସ୍ ରାଇଡର ଭଳି ମଡେଲ ସହ ହେବ ।
