ପୁରୀ, ୯।୧୧ (କାର୍ଯ୍ୟାଳୟ): ଜଣେ ବାପା ସବୁଠି ନିରାଶ ହେବା ପରେ ଭାବବିହ୍ବଳ ହୋଇ ଜଗତର ନାଥ ଶ୍ରୀଜଗନ୍ନାଥଙ୍କ ଦ୍ବାରସ୍ଥ ହୋଇଛନ୍ତି। ରବିବାର ଶ୍ରୀମନ୍ଦିର ସିଂହଦ୍ବାର ନିକଟରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା। ନିଜ ରୋଗାକ୍ରାନ୍ତ ପୁଅକୁ ବାପା ଜଣକ ପ୍ରଥମେ ପତିତପାବନ ଏବଂ େଶଷରେ ମହାପ୍ରଭୁଙ୍କ ପାଟ ଅଗଣାରେ ସମର୍ପି ଦେଇଛନ୍ତି। ଡାକ୍ତର ମନା କରିବା ପରେ ଶେଷରେ ଶ୍ରୀଜଗନ୍ନାଥଙ୍କୁ ଆଶ୍ରା କରିଛନ୍ତି। ପତିତପାବନ ଗୁମୁଟ ନିକଟରେ ପୁଅକୁ ମହାପ୍ରଭୁଙ୍କ ନିକଟରେ ସମର୍ପଣ କରି ବହୁତ କାନ୍ଦିଛନ୍ତି। ସାଆନ୍ତେ ଚାହିଁଲେ ତାଙ୍କ ପୁଅ ଭଲ ହୋଇ ଘରକୁ ଫେରିବ ବୋଲି ବାପା ଆଶା କରିଛନ୍ତି। ଡାକ୍ତର ମନା କରିବା ପରେ ବାପା କାଳିଆ ଦୁଆରେ ପୁଅକୁ ଗଡ଼ାଇ ଦେଇଛନ୍ତି। ତୁ ତ ଜଗତର ନାଥ, କାଳିଆ ଠାକୁର। ଏବେ ତୁ ଚାହିଁଲେ ମୋ ପୁଅକୁ ରଖିବୁ। ରବିବାର ଅବକାଶ ନୀତି ପରେ ପତିତପାବନ ନିକଟରେ ମଣିମାଙ୍କ ପାଦ ଧୁଆ ପାଣି ଟିକେ ସେବକମାନେ ଛିଞ୍ଚି ଦେଇଥିଲେ। ପରେ ପୁଅଟି ସାମାନ୍ୟ ହଲ୍ଚଲ ହୋଇଥିବା ଦେଖିବାକୁ ମିଳିଥିଲା। ସେବକମାନେ ମହାପ୍ରଭୁଙ୍କ ନିକଟକୁ ନେବା ପାଇଁ କହିଥିଲେ। ବାପା ଜଣକ ଟିକେ ସ୍ଥିର ହୋଇ ବଡ଼ ଦେଉଳ ଭିତରକୁ ପୁଅକୁ ଧରି ଯାଇଥିଲେ। ପୁଅ ସୁସ୍ଥ ନହେବା ପର୍ଯ୍ୟନ୍ତ କାଳିଆ ଦୁଆରେ ଭରସା କରି ଅପେକ୍ଷା କରିବେ ବୋଲି ସେ କହିଛନ୍ତି।
Popular Categories
Previous article
Next article