ଲହୁଣୀପଡା: ୫ ଦିନ ହେଲା ସ୍କୁଲକୁ କବଜା କରି ରଖିଛି ମାରଣାସ୍ତ୍ରଧାରୀ ଯୁବକ। ଗତ ଶନିବାର ପୂର୍ବାହ୍ନରୁ ସୁନ୍ଦରଗଡ ଜିଲ୍ଲା ଲହୁଣୀପଡା ଥାନା ବଡଜଲ ପ୍ରାଥମିକ ସ୍କୁଲକୁ ଯୁବକ ଜଣକ ନିଜ କବଜାକୁ ନେଇଛି । ଯୁବକ ଜଣକ ପାଖ ଗାଁର ସୁଦନ ମୁଣ୍ଡା ବୋଲି ଜଣାପଡିଛି। ଯୁବକଟି ହାତରେ ଧନୁତୀର ଧରି ସମ୍ପୂର୍ଣ୍ଣ ଭାବେ ସ୍କୁଲଟିକୁ ଅକ୍ତିଆରରେ ରଖିଛି। ମଙ୍ଗଳବାର ସେହି ଯୁବକକୁ କାବୁ କରିବାକୁ ଯାଇ ଥାନାଧିକାରୀ ତୀର ମାଡରେ ଆହତ ହୋଇଛନ୍ତି। ତାଙ୍କ ସମେତ ଦୁଇଜଣ କନଷ୍ଟେବଳ ଆହତ ହୋଇଥିବାବେଳେ ବାଟୁଳି ମାଡ଼ରେ ଜଣେ ପ୍ରଧାନ ଶିକ୍ଷକଙ୍କ ମୁଣ୍ଡ ଫାଟିଯାଇଛି। ଯୁବକ ଜଣଙ୍କୁ କାବୁ କରିବାକୁ ଦୁଇ ପ୍ଲାଟୁନ୍ ଫୋର୍ସ ଏବଂ ଅଗ୍ନିଶମବାହିନୀ ମୁତୟନ ହୋଇଛନ୍ତି। ରାତି ସାରା ଯୁବକଙ୍କୁ କାବୁ କରିବାକୁ ପୁଲିସ୍ ଫୋର୍ସ ମାନଙ୍କୁ ନାକେଦମ୍ ହେବାକୁ ପଡିଛି। ଘଟଣାକୁ ନେଇ ସ୍ଥାନୀୟ ଲୋକେ ମଧ୍ୟ ଭୟଭୀତ ହୋଇଛନ୍ତି।
Comments are closed.