ସମାଜ ଡିଜିଟାଲ ଡେସ୍କ: ଆମେଠିରେ ବିଜେପି ପ୍ରାର୍ଥୀ ସ୍ମୃତି ଇରାନୀ ପଛରେ ପଡ଼ିଯାଇଛନ୍ତି। ପୂର୍ବାହ୍ନ ସାଢ଼େ ୧୧ଟା ସୁଦ୍ଧା ପ୍ରତିଦ୍ୱନ୍ଦ୍ୱୀ କଂଗ୍ରେସ ପ୍ରାର୍ଥୀ କିଶୋରୀଲାଲଙ୍କଠାରୁ ସ୍ମୃତି ଇରାନୀ ୩୯ ହଜାର ୧୪୭ ଭୋଟ ପଛରେ ରହିଛନ୍ତି।
ଉତ୍ତରପ୍ରଦେଶର ଆମେଠି ଲୋକସଭା ଆସନ ସର୍ବଦା ଚର୍ଚ୍ଚାରେ ରହିଆସିଛି। ଗତଥର ଏଠାରେ ସ୍ମୃତି ଇରାନୀଙ୍କ ବିପକ୍ଷରେ ରାହୁଲ ଗାନ୍ଧୀ ପ୍ରତିଦ୍ୱନ୍ଦ୍ୱିତା କରି ପରାଜିତ ହୋଇଥିଲେ। ଚଳିତ ଥର କଂଗ୍ରେସ ପ୍ରାର୍ଥୀ ବଦଳାଇ କିଶୋରୀଲାଲଙ୍କୁ ପ୍ରାର୍ଥୀ କରିଥିଲା। ମଙ୍ଗଳବାର ଭୋଟ ଗଣତି ଜାରି ରହିଥିବାବେଳେ କିଶୋରୀଲାଲ ୧ ଲକ୍ଷ ୨୭ ହଜାର ୧୧୩ ଖଣ୍ଡ ଭୋଟ ପାଇ ଆଗରେ ରହିଛନ୍ତି। ସେହିପରି ସ୍ମୃତି ଇରାନୀ ୮୭ ହଜାର ୯୬୬ ଭୋଟ ପାଇଛନ୍ତି। ବିଏସପି ପ୍ରାର୍ଥୀ ୮୬୩୮ ଭୋଟ ପାଇ ୩ୟ ସ୍ଥାନରେ ରହିଛନ୍ତି।
Comments are closed.