ଅନେକ ସମୟରେ ଜୀବନରେ ଭିନ୍ନ ଭିନ୍ନ ସଙ୍କେତ ମିଳିଥାଏ। ମାତ୍ର ବହୁ ସମୟରେ ଆମେ ଏଥିପ୍ରତି ଧ୍ୟାନ ଦେଇ ନଥାଉ। କିଛି ସଙ୍କେତ ଆମକୁ ଶୁଭତ୍ୱର ପ୍ରତୀକ ଦେଇଥାଏ। କିଛି ଅଶୁଭର ମଧ୍ୟ। କିଛି ସଙ୍କେତ ସଫଳତା ଓ ଧନ ଲାଭ ବିଷୟରେ ଜଣାଇଥାଏ। ଜାଣନ୍ତୁ….
୧- ଯଦି ଆପଣ କୌଣସି କାର୍ଯ୍ୟରେ ଘରୁ ବାହାରକୁ ଯାଉଛନ୍ତି ଓ ସମ୍ମୁଖରେ ଖିର ସହ ପାତ୍ର ଦେଖନ୍ତି , ତେବେ କାର୍ଯ୍ୟରେ ସଫଳତା ମିଳିଥାଏ। ଦିନଟି ମଧ୍ୟ ଖୁସି ଓ ସୁରୁଖୁରୁରେ ବିତିଥାଏ।
୨- କାର୍ଯ୍ୟରେ ଘରୁ ବାହାରକୁ ଯିବା ସମୟରେ ପାଣି ପୂର୍ଣ୍ଣ ପାତ୍ର ଦେଖିଲେ ମଧ୍ୟ କାର୍ଯ୍ୟରେ ସଫଳତା ମିଳିଥାଏ।
୩ – ମାନ୍ୟତା ଅନୁଯାୟୀ ମାଙ୍କଡ଼ ଘରର ଛାତରେ ଆମ୍ବର ଟାକୁଆ ପକାଇବା ଶୁଭ ସଙ୍କେତ। ଏହା ଧନ ଲାଭ ଓ ସଫଳତାର ସଙ୍କେତ ଦେଇଥାଏ।
୪ – ସକାଳ ସମୟରେ ଘରୁ ବାହାରିବା ସମୟରେ ଟଙ୍କା ମିଳିଲେ, ଏହା ଧନ ଲାଭର ସୂଚନା ଦେଇଥାଏ। ତେବେ ସନ୍ଧ୍ୟା ସମୟରେ ଟଙ୍କା ମିଳିଲେ ମନ୍ଦିରରେ ଦାନ କରିବା ଉଚିତ।
୫ – ସବୁଦିନ ତୁଳନାରେ ଯଦି କୌଣସି ଦିନ ଆପଣଙ୍କୁ ନିଜ ତ୍ୱଚା ଅଧିକ ଚମକ ଭଳି ଅନୁଭବ ହେଉଛି , ତେବେ ଆପଣଙ୍କ ଜୀବନରେ ଶୁଭ ସମୟ ଆରମ୍ଭ ହୋଇ ଯାଇଛି ବୋଲି କୁହାଯାଏ।
୬ – ସକାଳୁ ଘରୁ ବାହାରିବା ସମୟରେ କୌଣସି ଛୋଟ ପିଲାଙ୍କ ହସ ଦେଖିବା ମଧ୍ୟ ଶୁଭ।
୭ – ସକାଳ ସମୟରେ ବାଛୁରୀକୁ ଗାଈ ଠାରୁ ଖିର ପିଇବା ଦେଖିବା ମଧ୍ୟ ଶୁଭ। ଏହା ଧନ ବୃଦ୍ଧି ଓ ପ୍ରାପ୍ତିର ସଙ୍କେତ ଦେଇଥାଏ।
ବାସ୍ତୁ ଶାସ୍ତ୍ରରେ ଘରେ ଏପରି କିଛି ଜିନିଷ ରହିଛି ଯାହାକୁ ଲଗାଇବା କିମ୍ବା ଘରେ ରଖିବା ଦ୍ୱାରା ସକରାତ୍ମକ ଶକ୍ତି ଆସିଥାଏ ଓ କାର୍ଯ୍ୟରେ ସଫଳତା ମିଳିଥାଏ।
ପାରା – ପାରାକୁ ଶାନ୍ତିର ପ୍ରତୀକ କୁହାଯାଏ। ବାସ୍ତୁ ଅନୁଯାୟୀ ଘରେ ଯୋଡ଼ା ପାରା (ସୋ ପିସ୍ ) କିମ୍ବା ପୋଷ୍ଟର ଲଗାଇଲେ ସକରାତ୍ମକ ଶକ୍ତି ପ୍ରବେଶ କରିଥାଏ। ସୁଖସମୃଦ୍ଧି ବୃଦ୍ଧି ହୋଇଥାଏ।
ପ୍ରଜାପତି – ଅନେକ ସମୟରେ ବଗିଚାରେ ରଙ୍ଗବେରଙ୍ଗର ପ୍ରଜାପତି ଦେଖିଲେ ମନକୁ ଶାନ୍ତି ମିଳିଥାଏ। ମାତ୍ର ବଜାରରେ ବିକ୍ରି ହେଉଥିବା ରଙ୍ଗବେରଙ୍ଗର ପ୍ରଜାପତି ଚିତ୍ର ଲଗାଇବା ଦ୍ୱାରା ନକରାତ୍ମକ ଶକ୍ତି ଦୂର ହୋଇଥାଏ।
ହଂସ – ଶାସ୍ତ୍ରରେ ହଂସର ବିଶେଷ ମହତ୍ତ୍ୱ ରହିଛି। ଘରେ ଓ କାର୍ଯ୍ୟାଳୟରେ ହଂସର ଯୋଡ଼ା (ସୋ ପିସ୍ ) ରଖିବା ଦ୍ୱାରା ଶୁଭ ମିଳିଥାଏ। ବାସ୍ତୁ ଦୋଷ ଦୂର ହେବା ସହ ସୁଖସମୃଦ୍ଧି ବୃଦ୍ଧି ହୋଇଥାଏ।
ବୃଦ୍ଧଙ୍କ ପ୍ରତିମା – ବୃଦ୍ଧଙ୍କ ପ୍ରତିମା ମଧ୍ୟ ଶାନ୍ତିର ପ୍ରତୀକ। ଏହାଦ୍ୱାରା ସକରାତ୍ମକ ଶକ୍ତି ବୃଦ୍ଧି ହୋଇଥାଏ। ପରିବାର ସଦସ୍ୟଙ୍କ ଉପରେ ମଧ୍ୟ ସୁପ୍ରଭାବ ପଡ଼ିଥାଏ।
Comments are closed.