ସିମୁଳିଆ – କଳାଶୁଣି ଅଞ୍ଚଳରେ ଜଣଙ୍କ ଘରେ ପୂଜା କରୁଥିବା ବେଳେ ବଜ୍ରପାତ ଯୋଗୁଁ ପୂଜକଙ୍କ ମୃତ୍ୟୁ ହୋଇଛି । ସୂଚନା ଅନୁଯାୟୀ ସିମୁଳିଆ ଥାନା ଅନ୍ତର୍ଗତ ମଇତାପୁର ପଂଚାୟତର ରାମବିନ୍ଧା ଗ୍ରାମର ପଦ୍ମଲୋଚନ ଦାଶଙ୍କ ପୁଅ ସୁରେନ୍ଦ୍ର ଦାଶ(୨୪)ବର୍ଷ ଈଶ୍ବରପୁର ପଞ୍ଚାୟତର କଳାଶୁଣିରେ ଗୀତା ଯଂଜ୍ଞ ପୂଜା କରୁଥିବା ସମୟରେ ମାଇକ୍ରୋଫୋନ ଧରି ପୂଜା କରୁଥିଲେ ।
ହଠାତ ବ୍ରଜ୍ରାପାତ ହୋଇଥିଲା । ଫଳରେ ମାଇକ୍ରୋ ଫୋନ ଚାର୍ଜ ହୋଇଯାଇଥିଲା। ପୂଜକ ସୁରେନ୍ଦ୍ର ସେହିଠାରେ ଟଳି ପଡି ଥିଲେ । ସଙ୍ଗେ ସଙ୍ଗେ ଗ୍ରାମବାସୀଙ୍କ ସହାୟତାରେ କାର ଯୋଗେ ଭଦ୍ରକ ମେଡିକାଲକୁ ଚିକିତ୍ସା ନିମନ୍ତେ ଭର୍ତ୍ତି କରାଯାଇଥିଲା । ମାତ୍ର ସେଠାରେ କାର୍ଯ୍ୟରତ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ଦେହାନ୍ତ ଖବର ସାରା ମଇତାପୁର ଅଞ୍ଚଳରେ ମଧ୍ୟ ଶୋକର ଛାୟା ଖେଳିଯାଇଛି ।
