ଠାକୁରମୁଣ୍ଡା: ଚଳିତ ବର୍ଷ ଶିମିଳିପାଳ ଅଭୟାରଣ୍ୟର ଗୁରୁଗୁଡ଼ିଆ, ତାଳବନ୍ଧ ଏବଂ ଚହଲା ରେଞ୍ଜର ୫ଟି ଜାଗାରେ ଲାଗିଛି ନିଆଁ ଲାଗିଥିଲା। ଗତବର୍ଷ ଶିମିଳିପାଳ ଅଭୟାରଣ୍ୟ ବିଭିନ୍ନ ଜାଗାରେ ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡ଼ିଛି। ଜଙ୍ଗଲରେ ଲାଗିଥିବା ନିଆଁକୁ ଆୟତ୍ତ କରିବା ପାଇଁ ଓଡ୍ରାଫ ଟିମ ସହିତ ଅଗ୍ନିଶମ ବିଭାଗ ନିୟୋଜିତ ହୋଇଥିଲେ। ଆଗକୁ ଗ୍ରୀଷ୍ମ ପ୍ରବାହ ବଢ଼ୁଥିବାରୁ ନିଆଁ ଆହୁରି ଜୋରରେ ଲାଗିବା ଆଶଙ୍କା କରାଯାଉଛି।
ଚଳିତ ବର୍ଷ ଜଙ୍ଗଲ ନିଆଁକୁ ଆୟତ୍ତ କରିବା ପାଇଁ ବନବିଭାଗ ବିଭିନ୍ନ ସମୟରେ ୬୦୦ ଟି ସଚେତନତା ଶୋଭାଯାତ୍ରା ଏବଂ ୬୦ଟି ମିଳିତ ମକଡ୍ରିଲ କରିଥିଲା ବନବିଭାଗ। ସେହିପରି ଶିମିଳିପାଳ ଅଭୟାରଣ୍ୟରେ ନିଆଁ ଲିଭା କାର୍ଯ୍ୟରେ ୭୦୦ ଅସ୍ଥାୟୀ ବନକର୍ମଚାରୀ ନିୟୋଜିତ ଥିବାବେଳେ ୫୦୦ଟି ନିଆଁଲିଭା ମେସିନ ବିଭାଗ ମହଜୁଦ ରଖିଛି । ଅଭୟାରଣ୍ୟରେ ମଧ୍ୟରେ ଜଙ୍ଗଲ ନିଆଁକୁ ଆୟତ୍ତ କରିବା ପାଇଁ ବନବିଭାଗ ଫାଇଆର ଲାଇନ କାଟି ଜଙ୍ଗଲ ସୁରକ୍ଷା କରୁଥିବା ଜଣାପଡ଼ିଛି। ଅପରପକ୍ଷରେ ମନୁଷ୍ୟ କୃତ ନିଆଁକୁ ଆୟତ୍ତ କରି ପାରୁନି ବିଭାଗ। ଯାହା ଫଳରେ ବିଭିନ୍ନ ସମୟରେ ଜଙ୍ଗଲ ରେ ନିଆଁ ଲାଗି ବ୍ୟାପକ କ୍ଷୟକ୍ଷତି ହେଉଛି।
