ଶନିଙ୍କ କୋପରୁ ରୋଜଗାର, ବ୍ୟବସାୟ ଓ ସ୍ବାସ୍ଥ୍ୟରେ ସଙ୍କଟ ଦେଖା ଦେଉଥାଏ, ତେବେ ଏହି ଉପାୟରେ ଭଗବାନ କୃଷ୍ଣଙ୍କୁ ଆରାଧନା କରି ସମସ୍ତ ସଙ୍କଟରୁ ମୁକ୍ତି ପାଆନ୍ତୁ ।
ବିଶ୍ବ ବ୍ରହ୍ମାଣ୍ଡର ପାଳନ କର୍ତ୍ତା ହେଉଛିନ୍ତି ଇଶ୍ବର । ଇଶ୍ବରଙ୍କ କ୍ରିୟାତ୍ମକ ଶକ୍ତି ଦ୍ବାରା ସାର ବିଶ୍ବର ପାଳନ ହୋଇଥାଏ ଏବଂ ସେହି ଶକ୍ତିର ନାମ ହେଉଛି ଭଗବାନ କୃଷ୍ଣ । କୃଷ୍ଣଙ୍କ ବିନା ନା ଅଛି ସୃଷ୍ଟିର ଅସ୍ତିତ୍ବ, ନା ଅଛି ପାଳନ । ଗ୍ରହ, ନକ୍ଷେତ୍ର, ଦେବୀ, ଦେବତା, ମାନବ, ଅସୁର, ଶୁଭ ଓ ଅଶୁଭ ସବୁ କୃଷ୍ଣଙ୍କ ଦ୍ବାରା ପରିଚାଳିତ ହୋଇଥାଏ । ଶନିଦେବ ମଧ୍ୟ ଭଗବାନ କୃଷ୍ଣଙ୍କ ଅଧୀନସ୍ଥ ବୋଲି ମାନ୍ୟତା ରହିଛି । ତେବେ ଆସନ୍ତୁ ଜାଣିବା ଶନିଦେବ ଓ କୃଷ୍ଣଙ୍କ ମଧ୍ୟରେ ରହିଥିବା ସମ୍ବନ୍ଧ ବିଷୟରେ……..
ଶନିଦେବ ଶ୍ରୀକୃଷ୍ଣଙ୍କ ଭକ୍ତ ଅଟନ୍ତି । ତାଙ୍କ ନିକଟରେ ଥିବା ନ୍ୟାୟ, ସଚ୍ଚୋଟତା ଓ ଅନୁଶାସନ କୃଷ୍ଣଙ୍କ କୃପାରୁ ଲାଭ କରିଛନ୍ତି ।
ଶନିଦେବ ସର୍ବଦା କୃଷ୍ଣଙ୍କ ଧ୍ୟାନରେ ମଗ୍ନ ରହିବା କାରଣରୁ ସେ ତାଙ୍କ ପତ୍ନୀଙ୍କ ଠାରୁ ଅଭିଶାପ ପାଇଥିଲେ ବୋଲି ପୁରାଣରେ ବର୍ଣ୍ଣିତ ରହିଛି ।
ଭଗବାନ କୃଷ୍ଣଙ୍କ ବହୁତ ଗୁଣ ଶନିଦେବତାଙ୍କ ନିକଟରେ ଦେଖିବାକୁ ମିଳେ ।
ଯେଉଁମାନେ ଭଗବାନ କୃଷ୍ଣଙ୍କ ଭକ୍ତ, ସେମାନଙ୍କ ଉପରେ ଶନିଙ୍କ କୋପ ଦୃଷ୍ଟି କଦାପି ପଡି ନଥାଏ ।
