ବେଙ୍ଗାଲୁରୁ – ଚନ୍ଦ୍ରଯାନ ୩ ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିଥିବା ସ୍ଥାନର ନାମ ଶିବଶକ୍ତି ସ୍ଥଳ ବା ଶିବଶକ୍ତି ପଏଣ୍ଟ ରଖାଯାଇଛି । ଚନ୍ଦ୍ରଯାନ ୨ ଶେଷ ମୁହୂର୍ତ୍ତରେ ଯେଉଁସ୍ଥାନରେ ଦୁର୍ଘଟଣାଗ୍ରସ୍ତ ହୋଇଥିଲା ସେହି ସ୍ଥାନର ନାମ ତ୍ରିରଙ୍ଗା ରଖାଯାଇଛି ।
ତ୍ରିରଙ୍ଗାରୁ ଶିବଶକ୍ତି ସ୍ଥଳ, ଅସଫଳତାରୁ ସଫଳତାର ଯାତ୍ରା । ମନୋବଳ ନ ହରାଇ ଉଦ୍ୟମ କରିବାର ଉତ୍ସାହ ଉଦ୍ଦୀପନା । ଶିବମସ୍ତକରେ ଚନ୍ଦ୍ରକୁ ଧାରଣ କରିଛନ୍ତି । ଇସ୍ରୋର ଏହି ମିସନର ନିର୍ଦେଶକ ସୋମନାଥ। । ଶକ୍ତି ହେଉଛନ୍ତି ସମସ୍ତ ଶକ୍ତିର ଆଧାର ଏଥିପାଇଁ ସେହି ସ୍ଥାନର ଶିବଶକ୍ତି ସ୍ଥଳ ଦିଆଯାଇଥିବା ମୋଦୀ ପ୍ରକାଶ କରିଛନ୍ତି ।
ବେଙ୍ଗାଲୁରୁରେ ଇସ୍ରୋର ବୈଜ୍ଞାନିକମାନଙ୍କୁ ସମ୍ବୋଧନ କରିବା ସମୟରେ ପ୍ରଧାନମନ୍ତ୍ରୀ ମୋଦୀ ଏହା ଘୋଷଣା କରିଥିଲେ । ବ୍ରିକ୍ସ ସମ୍ମିଳନୀରେ ବିଦେଶ ଗସ୍ତରୁ ଫେରିବା ପରେ ମୋଦୀ ବେଙ୍ଗାଲୁରରେ ଥିବା ଇସ୍ରୋର ଟେଲିମେଣ୍ଟାରି ଟ୍ରାକିଂ କମାଣ୍ଡ ସେଣ୍ଟରରେ ବୈଜ୍ଞାନିକମାନଙ୍କୁ ଭେଟିବା ସହ ସେମାନଙ୍କୁ ସମ୍ବୋଧିତ କରିଥିଲେ ।
ଭାରତୀୟ ବୈଜ୍ଞାନିକଙ୍କ ଉପଲବ୍ଧି ହେଉଛି ସାରା ଦେଶବାସୀଙ୍କ ପାଇଁ ଗର୍ବ ଏବଂ ଗୌରବର ବିଷୟ ବୋଲି ସେ କହିଛନ୍ତି । ଏବେ ଅଗଷ୍ଟ ୨୩ ତାରିଖରୁ ପ୍ରତିବର୍ଷ ମହାକାଶ ଦିବସ ଭାବେ ପାଳନ କରାଯିବ ବୋଲି ସେ ଘୋଷଣା କରିଛନ୍ତି ।
Comments are closed.