ଲଣ୍ଡନ୍ : କ୍ରିକେଟ୍ ବିଶ୍ବକପ୍ରେ ଭାଗ ନେଉଥିବା ଭାରତୀୟ ଦଳର ଓପନର୍ ଶିଖର ଧାୱନଙ୍କ ବାମହାତର ବୁଢ଼ା ଆଙ୍ଗୁଠି ହାଡ଼ରେ ସାମାନ୍ୟ ଫାଟ ବା ଫ୍ରାକ୍ଚର ହୋଇଥିବା ଭାରତୀୟ ଦଳ ମ୍ୟାନେଜମେଣ୍ଟ ତରଫରୁ ମଙ୍ଗଳବାର ଘୋଷଣା କରାଯାଇଥିଲା। ଫଳରେ ଧାୱନ୍ ଅତିକମ୍ରେ ବିଶ୍ବକପ୍ରେ ୩ଟି ମ୍ୟାଚ୍ ଖେଳିପାରିବେ ନାହିଁ। ୧୩ରେ ନ୍ୟୁଜିଲାଣ୍ଡ, ୧୬ରେ ପାକିସ୍ତାନ ଓ ୨୨ରେ ଆଫଗାନିସ୍ତାନ ବିପକ୍ଷ ମ୍ୟାଚ୍ରେ ଧାୱନ୍ ଖେଳିବେ ନାହିଁ। ତେବେ ଧାୱନ୍ଙ୍କୁ ଭାରତ ପଠାଯିବ ନାହିଁ ଏବଂ ସେ ଦଳ ସହ ରହିବେ ବୋଲି ମ୍ୟାନେଜମେଣ୍ଟ ତରଫରୁ ସ୍ପଷ୍ଟ କରି ଦିଆଯାଇଛି। ୩ଟି ମ୍ୟାଚ୍ରୁ ବାଦ୍ ପଡ଼ିବା ପରେ ଧାୱନ୍ ସାମାଜିକ ଗଣମାଧ୍ୟମରେ ମହାନ୍ ଉର୍ଦ୍ଦୁ କବି ରାହତ୍ ଇନ୍ଦୋରଙ୍କ କବିତାର କେତକ ପକ୍ତିଂକୁ ଉଦ୍ଧାର କରି ଲେଖିଛନ୍ତି ଯାହାକୁ ନେଇ ବିଭିନ୍ନ ମହଲରେ ବେଶ୍ ଚର୍ଚ୍ଚା ହେଉଛି। ଧାୱନ୍ ଯେଉଁ ପକ୍ତିଂଗୁଡ଼ିକ ଉଦ୍ଧାର କରିଛନ୍ତି, ତାହାର ଅର୍ଥ ହେଲା କଷ୍ଟ ସମୟରେ କେହି ମୋ ମନୋବଳ ଦୁର୍ବଳ କରିପାରିବ ନାହିଁ କାରଣ ମୁଁ ଡେଣା ଦ୍ବାରା ନୁହେଁ ସାହସ ଦ୍ବାରା ଉଡୁଛି। ସୂଚନାଥାଉକି ଧାୱନ୍ ଅଷ୍ଟ୍ରେଲିଆ ବିପକ୍ଷରେ ମ୍ୟାଚ୍ ଖେଳୁଥିବା ବେଳେ ଆଘାତପ୍ରାପ୍ତ ହୋଇଥିଲେ।
Popular Categories
Previous article
Next article