ଢାକା : ଆସନ୍ତା ସେପ୍ଟେମ୍ବରରେ ସଂଯୁକ୍ତ ଆରବ ଏମିରେଟ୍ସରେ ଏସିଆ କପ୍ କ୍ରିକେଟ ଆୟୋଜିତ ହେବ। ତେବେ ବାଂଲାଦେଶ ଅଲରାଉଣ୍ଡର ସାକିବ ଅଲ୍ ହାସାନ ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିପାରିବେ ନାହିଁ ବୋଲି ଜଣାପଡିଛି। ଏହି ସମୟରେ ତାଙ୍କ ଆଙ୍ଗୁଠିରେ ଅସ୍ତ୍ରୋପଚାର ହେବ ବୋଲି ସାକିବ ଜଣାଇଛନ୍ତି। ଚଳିତବର୍ଷ ଜାନୁଆରୀରେ ଶ୍ରୀଲଙ୍କା ବିପକ୍ଷରେ ଦିନିକିଆ ସିରିଜ ଖେଳୁଥିବାବେଳେ ସାକିବ ବାମହାତ ଆଙ୍ଗୁଠିରେ ଆଘାତ ପାଇଥିଲେ। ଫଳରେ ଶ୍ରୀଲଙ୍କା ବିପକ୍ଷ ଟେଷ୍ଟ ଓ ଟ୍ୱେଣ୍ଟି୨୦ ସିରିଜରୁ ସେ ବାଦପଡିଥିଲେ। ଅଷ୍ଟ୍ରେଲିଆରେ ଚିକିତ୍ସିତ ହେବାପରେ ସାକିବ ମାର୍ଚ୍ଚରେ ଶ୍ରୀଲଙ୍କାରେ ଆୟୋଜିତ ନିଦହାସ୍ ଟ୍ରଫିରେ ଅଂଶଗ୍ରହଣ କରିଥିଲେ। ତେବେ ଆଙ୍ଗୁଠିରେ ଅସ୍ତ୍ରୋପଚାର କରିବାକୁ ଅଷ୍ଟ୍ରେଲିଆରେ ଡାକ୍ତର ତାଙ୍କୁ ପରାମର୍ଶ ଦେଇଥିଲେ। ସାକିବ ଏହି ପରାମର୍ଶକୁ କାର୍ଯ୍ୟକାରୀ କରିବା ପରିବର୍ତ୍ତେ ନିକଟରେ ୱେଷ୍ଟଇଣ୍ଡିଜ ଗସ୍ତରେ ଯାଇଥିଲେ। ସେଠାରେ ଟ୍ୱେଣ୍ଟି୨୦ ସିରିଜ ଖେଳୁଥିବାବେଳେ ପୁଣି ଆଙ୍ଗୁଠିରେ ଯନ୍ତ୍ରଣା ଅନୁଭବ କରିବାପରେ ସାକିବ ବର୍ତ୍ତମାନ ଅସ୍ତ୍ରୋପଚାର ପାଇଁ ପ୍ରସ୍ତୁତ ହେଉଛନ୍ତି।
Popular Categories
Previous article
Next article