ଶାହାଜାନପୁର : ଉତ୍ତର ପ୍ରଦେଶ ଶାହାଜାନପୁର ଜିଲା ଆରସି ମିସନ୍ ଥାନା ଅଞ୍ଚଳରେ ରବିବାରଏକ ଡିଗ୍ରୀ କଲେଜର ନିର୍ମାଣଧୀନ କୋଠା ଭୁଶୁଡ଼ି ପଡ଼ିବାରୁ ୩ ଶ୍ରମିକଙ୍କ ମୃତ୍ୟୁ ଘଟିଛି ଓ ୧୩ ଜଣ ଗୁରୁତର ଆହତ ହୋଇଛନ୍ତି। ରବିବାର ଦିନ ୩ଟା ୩୦ ମିନିଟ ସମୟରେ କଲେଜ କୋଠା କାମ ଚାଲିଥିବାବେଳେ ହଠାତ୍ ଭୁଶୁଡ଼ି ପଡ଼ିଥିଲା। ଦୁର୍ଘଟଣା ସମୟରେ ସେଠାରେ ୪୫ ଜଣ ଶ୍ରମିକ କାର୍ଯ୍ୟ କରୁଥିଲେ ବୋଲି ସୂଚନା ମିଳିଛି। ଦୁର୍ଘଟଣା ପରେ ପୁଲିସ୍, ଆମ୍ବୁଲାନ୍ସ ଓ ଉଦ୍ଧାରକାରୀ ଦଳ ଆସି ଘଟଣାସ୍ଥଳରେ ପହଞ୍ଚିଥିଲେ। କୋଠା ଭଗ୍ନାଂବଶେଷ ତଳେ ଅନେକ ଶ୍ରମିକ ଚାପି ହୋଇ ରହିଥିବା ଆଶଙ୍କା କରାଯାଉଛି। ଏସ୍ଡିଆରଏଫ ଓ ଏନ୍ଡିଆରଏଫର ୪ଟି ଦଳ ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
ରାଜପଥ ନିକଟରେ ଏହି ଡିଗ୍ରୀ କଲେଜ କୋଠା ନିର୍ମାଣ ଚାଲିଥିଲା। ଜିଲାପାଳ ଅମୃତ ତ୍ରିପାଠୀ ଘଟଣାର ତଦନ୍ତ ନିର୍ଦେଶ ଦେଇଛନ୍ତି। ତଦନ୍ତ ପରେ କାର୍ଯ୍ୟାନୁଷ୍ଠାନ ହେବ ବୋଲି ସେ ସଂକେତ ଦେଇଛନ୍ତି। ଭଗ୍ନାଂବଶେଷ ତଳୁ ଜଣଙ୍କ ମୃତ ଦେହ ଓ ୧୫ ଜଣ ଶ୍ରମିକଙ୍କୁ ଜୀବୀତ ଉଦ୍ଧାର କରାଯାଇଥିଲା। ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ହସ୍ପିଟାଲରେ ଆଉ ୨ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ଅନେକ ଶ୍ରମିକଙ୍କ ଅବସ୍ଥା ସଂକଟାପନ୍ନ ଥିବାରୁ ଆଗକୁ ମୃତକଙ୍କ ସଂଖ୍ୟା ବଢିବ ବୋଲି ଆଶଙ୍କା କରାଯାଉଛି। କଲେଜ କୋଠା କାମ ନିମ୍ନ ମାନର ହେଉଥିବାରୁ ଏହି ଦୁର୍ଘଟଣା ଘଟିଲା ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
କୋଠା ଭୁଶୁଡ଼ି ୩ ଶ୍ରିମକ ମୃତ, ୧୩ ଗୁରୁତର
Popular Categories
Previous article
Next article