ଜୟପୁର: ଆଗକୁ ଓଡ଼ିଶା ଏବଂ ଆନ୍ଧ୍ରପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ନିର୍ବାଚନ ସମୟରେ ଏହି ଦୁଇ ରାଜ୍ୟର ସୀମାନ୍ତରେ ମାଓବାଦୀ ହିଂସାକାଣ୍ଡ ଘଟାଇବାର ଆଶଙ୍କା ରହିଛି। ତେଣୁ ନିର୍ବାଚନକୁ କିପରି ଶୃଙ୍ଖଳିତ ଭାବେ ପରିଚାଳନା କରାଯାଇପାରିବ ସେ ନେଇ ଗୁରୁବାର କୋରାପୁଟ ଜିଲା ଜୟପୁରଠାରେ ଏକ ଅନ୍ତଃରାଜ୍ୟ ବରିଷ୍ଠ ପୁଲିସ ଅଧିକାରୀ ବୈଠକରେ ଅନୁଷ୍ଠିତ ହୋଇଛି। ନିର୍ବାଚନ ବେଳେ ମାଓବାଦୀ କାର୍ଯ୍ୟକଳାପ ନିୟନ୍ତ୍ରଣ ନେଇ ଆଲୋଚନା ହୋଇଛି। ଦୁଇ ରାଜ୍ୟରେ ନିର୍ବାଚନ ସମୟରେ ପୁଲିସ ପକ୍ଷରୁ କି ପ୍ରକାର ରଣନୀତି ଗ୍ରହଣ କରାଯିବ ସେନେଇ ବିଚାରବିମର୍ଶ ହୋଇଛି। ଦକ୍ଷିଣ-ପଶ୍ଚିମାଞ୍ଚଳ ଡିଆଇଜି ହିମାଂଶୁ ଲାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଓଡ଼ିଶା ସମେତ ସୀମାନ୍ତ ଆନ୍ଧ୍ରପ୍ରଦେଶ ଏବଂ ଛତିଶଗଡ଼ର ବରିଷ୍ଠ ପୋଲିସ ଅଧିକାରୀମାନେ ଯୋଗଦେଇଛନ୍ତି। ଛତିଶଗଡ଼ ଏବଂ ଆନ୍ଧ୍ର ସୀମାନ୍ତବର୍ତ୍ତୀ ଜିଲାର ଏସପିମାନେ ବୈଠକରେ ଉପସ୍ଥିତ ଅଛନ୍ତି।
କୋରାପୁଟରେ ଅନ୍ତଃରାଜ୍ୟ ବରିଷ୍ଠ ପୁଲିସ ଅଧିକାରୀ ବୈଠକ; ନିର୍ବାଚନ ପରିଚାଳନା ରଣନୀତି ନେଇ ଆଲୋଚନା
Popular Categories
Previous article
Next article