ବାଙ୍କୀ: ସ୍ଥାନୀୟ ଡମପଡା ଆଞ୍ଚଳିକ କନିଷ୍ଠ ମହାବିଦ୍ୟାଳୟରେ ଆତ୍ମରକ୍ଷା କୌଶଳ ପ୍ରଶିକ୍ଷଣ ଉଦଘାଟିତ ହୋଇଯାଇଛି। କନିଷ୍ଠ ମହାବିଦ୍ୟାଳୟର ୧ମ ବର୍ଷର ନବାଗତ ଛାତ୍ରୀମାନେ ଏହି ପ୍ରଶିକ୍ଷଣ ଶିବିରରେ ଯୋଗଦେଇ ଆତ୍ମରକ୍ଷା କୌଶଳ ପ୍ରଶିକ୍ଷଣ ଗ୍ରହଣ କରିଛନ୍ତି। ମହାବିଦ୍ୟାଳୟର ଅଧ୍ୟକ୍ଷ ସଚ୍ଚିଦାନନ୍ଦ ସାମଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଘାଟନୀ କାର୍ଯ୍ୟକ୍ରମରେ ଅଧ୍ୟାପକ ଦାମୋଦର ମହାନ୍ତି, ଦେବାଶିଷ ମିଶ୍ରବ୍ରହ୍ମା, ଜଗଦିଶ ବିରବର ହରିଚନନ୍ଦନ, ସୁଶାନ୍ତ କୁମାର ତ୍ରିପାଠୀ, ସଂଘମିତ୍ରା ପଟ୍ଟନାୟକ, ସୌମ୍ୟାଶ୍ରୀ ସାଇପ୍ରଭା ପ୍ରମୁଖ ଯୋଗଦେଇ ରାଜ୍ୟ ସରକାରଙ୍କ ପକ୍ଷରୁ ସ୍ୱତନ୍ତ୍ର ଭାବରେ ମହାବିଦ୍ୟାଳୟ ସ୍ତରରେ ଯୁବତୀମାନଙ୍କୁ ଆତ୍ମସୁରକ୍ଷା ପ୍ରଶିକ୍ଷଣ ପ୍ରଦାନ ଏକ ଶୃଙ୍ଖଳିତ ଏବଂ ନିଜର ଆତ୍ମ ସୁରକ୍ଷାକ୍ଷେତ୍ରରେ ଏକ କୌଶଳ ବୋଲି ପ୍ରକାଶ କରିଥିଲେ। ମହାବିଦ୍ୟାଳୟର ୧ମ ବର୍ଷର ସମସ୍ତ ୬୦ଜଣ ଛାତ୍ରୀ ଦୀର୍ଘ ୮ଦିନ ଧରି ସଞ୍ଚାଳିତ ପ୍ରଶିକ୍ଷଣ ଗ୍ରହଣ କରିବା ଉଚିତ ବୋଲି ପରାମର୍ଶ ଦେଇଥିଲେ। ପ୍ରଶିକ୍ଷିକା ଅନିତା ସାମଲ ଛାତ୍ରୀମାନଙ୍କୁ ପ୍ରଶିକ୍ଷଣ ଦେଇଛନ୍ତି। ଆସନ୍ତା ଏପ୍ରିଲ ୧୩ତାରିଖରେ ଏହି ପ୍ରଶିକ୍ଷଣ ପ୍ରକ୍ରୀୟା ଉଦଯାପିତ ହେବ ବୋଲି ଅଧ୍ୟକ୍ଷ ଶ୍ରୀ ସାମଲ ପ୍ରକାଶ କରିଛନ୍ତି।
Popular Categories
Previous article
Next article