ଜାମ୍ମୁ : ଜମ୍ମୁ-କାଶ୍ମୀର ରିୟାସି ଜିଲ୍ଲାରେ ଆତଙ୍କବାଦୀ ଆକ୍ରମଣରେ ୧୦ ଜଣ ତୀର୍ଥ ଯାତ୍ରୀଙ୍କ ମୃତ୍ୟୁ ଘଟଣା। ଆତଙ୍କବାଦୀଙ୍କୁ ଧରିବାକୁ ଜଙ୍ଗଲରେ ସର୍ଚ୍ଚ ଅପରେସନ୍ ଜାରି ରହିଛି। ଏବଂ ଘଟଣାସ୍ଥଳରେ ଏନଆଇଏ ଟିମ୍ ପହଞ୍ଚି ଯାଞ୍ଚ କରୁଥିବା ସୂଚନା ମିଳିଛି। ସୂଚନା ମୂତାବକ ରବିବାର ଏକ ବସ୍ ଜାମ୍ମୁ-କାଶ୍ମୀରର ରିଆସି ଜିଲାର ଶିବଖୋଡ଼ା ମନ୍ଦିରକୁ ତୀର୍ଥଯାତ୍ରୀଙ୍କୁ ନେଇ ଯାଉଥିବା ବେଳେ ବସ ଉପରକୁ ଆତଙ୍କବାଦୀମାନେ ଗୁଳିମାଡ଼ କରିଥିଲେ । ଆତଙ୍କବାଦୀଙ୍କ ଗୁଳିମାଡ଼ ଯୋଗୁଁ ବସ୍ଟି ନିୟନ୍ତ୍ରଣ ହରାଇ ଗଭୀର ଖାତକୁ ଖସି ପଡିଥିଲା। ଏଥିରେ ପ୍ରାୟ ୧୦ଜଣ ତୀର୍ଥଯାତ୍ରୀଙ୍କର ମୃତ୍ୟୁ ହୋଇଥିବାବେଳେ ୩୦ରୁ ଅଧିକ ଯାତ୍ରୀ ଆହତ ହୋଇଥିଲେ। ପୁଲିସ, ସେନା, ଅର୍ଦ୍ଧସାମରିକ ବାହିନୀ ଓ ପ୍ରଶାସନ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରଖିଥିଲେ। ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଘଟଣା ସମ୍ପର୍କରେ ପ୍ରଶାସନଠାରୁ ବୁଝିଛନ୍ତି। ଏହି ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି।
ଚାଲିଛି ସର୍ଚ୍ଚ ଅପରେସନ୍ : ତୀର୍ଥଯାତ୍ରୀଙ୍କ ଉପରେ ଆତଙ୍କବାଦୀ ଆକ୍ରମଣର ଯାଞ୍ଚ କରୁଛି ଏନଆଇଏ ଟିମ୍
Popular Categories
Previous article
Next article