ନୂଆଦିଲ୍ଲୀ : ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ନିଜ କିଛି ଡେବିଟ୍ କାର୍ଡଧାରୀଙ୍କୁ ଝଟକା ଦେଇଛି । ବ୍ୟାଙ୍କ ଏପ୍ରିଲରୁ ନିଜ କିଛି ଡେବିଟ୍ କାର୍ଡର ରକ୍ଷଣାବେକ୍ଷଣ ଚାର୍ଜ ବଢାଇବାକୁ ଯାଉଛି । ଷ୍ଟେଟ୍ ବ୍ୟାଙ୍କ ନିଜ କ୍ଲାସିକ୍, ସିଲଭର, ଗ୍ଲୋବାଲ ଏବଂ କଣ୍ଟାକ୍ଟଲେସ୍ ଡେବିଟ୍ କାର୍ଡ, ୟୁଭା, ଗୋଲ୍ଡ, କମ୍ବୋ ଏବଂ ପ୍ଲାଟିନମ୍ ଡେବିଟ୍ କାର୍ଡରେ ବାର୍ଷିକ ରକ୍ଷଣାବେକ୍ଷଣ ଚାର୍ଜ ବଢାଇ ଦେଇଛି । ୧ ଏପ୍ରିଲରୁ ଏଥିପାଇଁ ଅତିରିକ୍ତ ୭୫ ଟଙ୍କା ଦେବାକୁ ପଡିବ । ବ୍ୟାଙ୍କ ନିଜ ଗ୍ରାହକଙ୍କୁ ଅନେକ ପ୍ରକାର ଡେବିଟ୍ କାର୍ଡର ସୁବିଧା ଦେଇଥାଏ ଏବଂ ଅଲଗା ଅଲଗା କାର୍ଡରେ ରକ୍ଷଣାବେକ୍ଷଣ ଚାର୍ଜ ଭିନ୍ନ ହୋଇଥାଏ । ତେବେ ଏଣିକି ସବୁଥିରେ ଅତିରିକ୍ତ ୭୫ ଟଙ୍କା ଉପଭୋକ୍ତାଙ୍କୁ ଦେବାକୁ ପଡିବ । ଯେଉଁ କାର୍ଡ ପାଇଁ ୨୦୦ ଟଙ୍କା ଦେବାକୁ ପଡୁଥିଲା ଏଣିକି ସେଥିରେ ୨୭୫ ଟଙ୍କା ଦେବାକୁ ପଡିବ । ସେହିଭଳି ଯେଉଁ କାର୍ଡ ପାଇଁ ୩୫୦ ଟଙ୍କା ଦେବାକୁ ପଡୁଥିଲା ଏଣିକି ସେଥିପାଇଁ ୪୨୫ ଟଙ୍କା ଦେବାକୁ ପଡିବ ।
Comments are closed.