ଅନୁଗୋଳ : ସାତକୋଶିଆ ବନଖଣ୍ଡ ଅନ୍ତର୍ଗତ ପୁରୁଣାକୋଟ ବନାଞ୍ଚଳରେ ଶନିବାର ବନବିଭାଗ ଏକ ମାଈହାତୀର ମୃତଦେହ ଠାବ କରିଛି। ବନାଞ୍ଚଳ ଚୂନଭାଟି ଅଞ୍ଚଳରେ ମାଈ ହାତୀର ମୃତଦେହ ବିଭାଗ କର୍ମଚାରୀ ଶନିବାର ଦେଖିବାକୁ ପାଇଥିଲେ। ହାତୀଟି ଦୁଇଦିନ ଆଗରୁ ମରିଥିବାବେଳେ ଘଞ୍ଚ ଜଙ୍ଗଲ ହୋଇଥିବାରୁ ଏହା ଜଣା ପଡିନଥିଲା। ପାଦଚଲା ପାଟ୍ରୋଲିଂ ସମୟରେ କର୍ମଚାରୀମାନେ ଗନ୍ଧ ବାରିବା ପରେ ହାତୀକୁ ମୃତ ଅବସ୍ଥାରେ ଠାବ କରିଥିଲେ। ଘଟଣାସ୍ଥଳରେ ସାତକୋଶିଆ ବନଖଣ୍ଡ ଅଧିକାରୀ ସରୋଜ ପଣ୍ଡା ପହଞ୍ଚି ତଦନ୍ତ ଆରମ୍ଭ କରିଥିଲେ। ଡାକ୍ତର କିଶୋର ସାହୁଙ୍କ ସମେତ ଏସିଏଫ ପହଞ୍ଚିବା ପରେ ହାତୀର ଶବ ବ୍ୟବଚ୍ଛେଦ କରାଯାଇଛି। ପ୍ରାଥମିକ ତଦନ୍ତ ପରେ ଏହାର ବୟସ ପାଖାପାଖି ୩୦ ବର୍ଷ ହୋଇଥିବା ଅନୁମାନ କରାଯାଉଛି। ମୃତ୍ୟୁର କାରଣ ଅସ୍ପଷ୍ଟ ରହିଛି। ଆଭ୍ୟନ୍ତରୀଣ କ୍ଷତ କାରଣରୁ ହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି।
Comments are closed.