ପୁଣି ଆସୁଛି ଅକ୍ଷୟ କୁମାର-ପରେଶ ରାଓ୍ବଲ ଯୋଡ଼ି, କିନ୍ତୁ ରହିଛି ଟ୍ବିଷ୍ଟ: ଆସିଲା ‘ସରଫିରା’ ଟ୍ରେଲର
ମୁମ୍ବଇ: ପୁଣି ଥରେ ପରଦାକୁ ଆସୁଛି ଅକ୍ଷୟ କୁମାର-ପରେଶ ରାଓ୍ବଲ ଯୋଡ଼ି। ‘ହେରା ଫେରି’ଠୁ ‘ଆଓ୍ବାରା ପାଗଲ ଦୀଓ୍ବାନା’ ପର୍ଯ୍ୟନ୍ତ ଚଳଚ୍ଚିତ୍ରରେ ନଜର ଆସିଛନ୍ତି ଦର୍ଶକଙ୍କ ଏହି ପ୍ରିୟ ଯୋଡ଼ି। କିନ୍ତୁ ଏଥର ପରଦାରେ ଉଭୟଙ୍କ ମଧ୍ୟରେ ସମ୍ପୂର୍ଣ୍ଣ ଭିନ୍ନ କେମେଷ୍ଟ୍ରି ଦେଖିବାକୁ ମିଳିବ। ଏହା ଆମେ କହୁନାହୁଁ, ବରଂ ମିଷ୍ଟର ଖିଲାଡ଼ିଙ୍କ ଆଗାମୀ ଚଳଚ୍ଚିତ୍ର ‘ସରଫିରା’ର ଟ୍ରେଲରରେ ଏହା ଦେଖିବାକୁ ମିଳିଛି। ଟ୍ରେଲରକୁ ଦର୍ଶକ ବେଶ୍ ପସନ୍ଦ କରୁଛନ୍ତି।
‘ସରଫିରା’ ଜୁଲାଇ ୧୨ରେ ମୁକ୍ତିଲାଭ କରିବ, ଯେଉଁଥିରେ ଅକ୍ଷୟ କୁମାରଙ୍କ ବ୍ୟତୀତ ରାଧିକା ମଦାନ ଓ ପରେଶ ରାଓ୍ବଲ ଗୁରୁତ୍ଵପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ସୂରିୟା, ଜ୍ୟୋତିକା ଓ ଅରୁଣ ଭାଟିଆଙ୍କ ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରର ନିର୍ଦେଶନା ଭାର ବହନ କରିଛନ୍ତି ସୁଧା କୋଙ୍ଗାରା ପ୍ରସାଦ।
ଅକ୍ଷୟ କୁମାର ନିଜ ନୂଆ ଫିଲ୍ମର ଟ୍ରେଲର ଇନ୍ଷ୍ଟାଗ୍ରାମରେ ଶେୟାର କରି କ୍ୟାପ୍ସନରେ ଲେଖିଛନ୍ତି, ‘‘ସ୍ଵପ୍ନ ତାହା ନୁହେଁ ଯାହା ଆପଣ ଶୋଇଲା ବେଳେ ଦେଖନ୍ତି, ସ୍ଵପ୍ନ ହେଉଛି ତାହା ଯାହା ଆପଣଙ୍କୁ ଶୋଇବାକୁ ହିଁ ଦିଏନାହିଁ। ଏମିତି ଏକ ସ୍ଵପ୍ନର କାହାଣୀ ହେଉଛି ‘ସରଫିରା’। ଟ୍ରେଲର ଆସିଯାଇଛି। ଜୁଲାଇ ୧୨, ୨୦୨୪ରେ ପ୍ରେକ୍ଷାଳୟକୁ ଆସୁଛି ‘ସରଫିରା’।
ଟ୍ରେଲରକୁ ଲୋକେ ବେଶ୍ ପସନ୍ଦ କରୁଥିବାବେଳେ ଫିଲ୍ମକୁ ନେଇ ଉତ୍ସାହିତ ଥିବା କମେଣ୍ଟ ଜରିଆରେ କହିଛନ୍ତି।
Comments are closed.