ଭୁବନେଶ୍ବର : ଦର୍ଶକ ଦେଖିବାକୁ ଭଲ ପାଉଥିବା କାହାଣୀକୁ ଆଧାରିତ କରି ଅନେକ ଧାରାବାହିକ ସହିତ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ଦର୍ଶକଙ୍କୁ ଭେଟି ଦେଇଛି ଜୀ ସାର୍ଥକ । ଯେଉଁଥିରେ ଓଡ଼ିଆ ଜାତି ଓ ଓଡ଼ିଶାର ପ୍ରଥା ପରମ୍ପରାକୁ ଅତି ନିଖୁଣ ଭାବେ ଦେଖି ଦର୍ଶକେ ଉପଭୋଗ କରିପାରନ୍ତି । ଏହି ଧାରାରେ ଦର୍ଶକଙ୍କ ପସନ୍ଦକୁ ଧ୍ୟାନରେ ରଖି ଖୁବ ଶୀଘ୍ର ଆସିବାକୁ ଯାଉଛି ତାର ନମ୍ବର ୧ ରିୟଲିଟି ଶୋ ‘ସାରେଗାମାପା ଉସ୍ତାଦଙ୍କ ଉସ୍ତାଦ୍’ । ବିଗତ ବର୍ଷର ସାରେଗାମାପା ରିୟଲିଟି ଶୋ ର ଟପ୍ ୨୦ ଜଣ ସିଙ୍ଗର ଏହି ଶୋ ରେ ପ୍ରତିଯୋଗୀ ଭାବରେ ଭାଗ ନେବାକୁ ଯାଉଛନ୍ତି, ଯାହାଙ୍କୁ ଆପଣ ଆଗରୁ ଶୋ ରେ ଦେଖିଛନ୍ତି ବା ଯାହାଙ୍କର ଗୀତରେ ଆପଣ ଆଗରୁ ଝୁମିଛନ୍ତି । ତେବେ ବଛା ବଛା ପ୍ରତିଯୋଗୀ ବା ସଙ୍ଗୀତ ଉସ୍ତାଦଙ୍କ ଭିତରେ କିଏ ହେବ ଉସ୍ତାଦଙ୍କ ଉସ୍ତାଦ ତାହା ଦେଖିବାକୁ ବାକି ରହିଲା । ପ୍ରତିଯୋଗୀମାନେ ନିଜ ନିଜ ଭିତରେ ବିଭିନ୍ନ ମ୍ୟୁଜିକାଲ ଗେମ ମାଧ୍ୟମରେ ପ୍ରତିଦ୍ବନ୍ଦିତା କରିବେ ।
ଏହି ଶୋ ରେ ଜଜ୍ ଭାବରେ ରହିଛନ୍ତି ଓଡ଼ିଶାର ପ୍ରସିଦ୍ଧ ସିଙ୍ଗର ଅସୀମା ପଣ୍ଡା,କୁଳଦୀପ ପଟ୍ଟନାୟକ, ଦୀପ୍ତିରେଖା ପାଢୀ ଓ କ୍ରିଷ୍ଣା ବେଉରା । ସବୁଠାରୁ ବଡ ରୋଚକ କଥା ଏହା ଯେ ଏହି ଶୋ ରେ ଆଙ୍କର ବା ଉପସ୍ଥାପକ ଭାବରେ ରହିଛନ୍ତି ସମସ୍ତଙ୍କ ପ୍ରିୟର ହାସ୍ୟ ଅଭିନେତା ଅନୁଗୁଳିଆ ବଣ୍ଟି । ଯିଏ ଏହି ଶୋ ରେ ନିଜର ଲାଫଟର ଡୋଜ୍ ଦ୍ବାରା ଲଗାଇବେ ଏଣ୍ଟରଟେନମେଣ୍ଟର ତଡ଼କା ।
ଅଗଷ୍ଟ ୧୦ ତାରିଖରୁ ଟିଭି ପରଦାରେ ଶୁଭାରମ୍ଭ ହେବାକୁ ଯାଉଛି ନୂଆ ରିୟଲିଟି ଶୋ ‘ସାରେଗାମାପା ଉସ୍ତାଦଙ୍କ ଉସ୍ତାଦ୍’ । ଯାହା ଦର୍ଶକଙ୍କୁ ନିଶ୍ଚୟ ପସନ୍ଦ ଆସିବ କାରଣ ଟପଙ୍କ ମଧ୍ୟରୁ ଟପ୍ ବାଛିବା ହେଉଛି କାଠିକର ପାଠ । ତେବେ ମେକର୍ସଙ୍କ ପାଇଁ ଏହା ଯେତେ କଠିନ କାମ ହେଉନା କାହିଁକି କିନ୍ତୁ ଦର୍ଶକ ନିଶ୍ଚୟ ମନୋରଞ୍ଜନ ପାଇବେ ବୋଲି କହିଛନ୍ତି ଜୀ ସାର୍ଥକର ଚିଫ ଚ୍ୟାନେଲ ଅଫିସର ପ୍ରତୀକ ସିଲ୍ । ଦର୍ଶକ ଅଗଷ୍ଟ ୧୦ ତାରିଖରୁ ‘ସାରେଗାମାପା ଉସ୍ତାଦଙ୍କ ଉସ୍ତାଦ୍’, ପ୍ରତ୍ୟେକ ଶନି – ରବି ରାତି ସାଢେ ୯ଟାରେ ଦେଖିପାରିବେ ।
