ପାଟଣା : ଜାତୀୟ ଅନୁସୂଚିତ ଜନଜାତି କମିଶନ ସଦସ୍ୟ ଅନନ୍ତ ନାୟକ ଶୁକ୍ରବାର ଘଟଗାଁ ବ୍ଲକ ଅନ୍ତର୍ଗତ ସାନ୍ତରାପୁର ପଞ୍ଚାୟତ କାର୍ଯ୍ୟାଳୟରେ ଅଭିଯୋଗ ଶୁଣାଣି କରିଛନ୍ତି । ବିଶେଷ କରି ବାର୍ଦ୍ଧକ୍ୟ ଓ ବିଧବା ଭତ୍ତା, ଜଙ୍ଗଲ ଜମି ଯୋଜନାରେ ପଟ୍ଟା, ଖାଦ୍ୟ ସୁରକ୍ଷା ଯୋଜନାରେ ପଡ଼ି କାର୍ଡ ପାଇଁ ଅଧିକ ଅଭିଯୋଗ ଆସିଥିଲା । କମିଶନ କାର୍ଯ୍ୟାଳୟ ପକ୍ଷରୁ ରାଧାକାନ୍ତ ତ୍ରିପାଠୀ, ପି.କେ ପରିଡ଼ା, ଡି.କେ ପଲାଇ ଓ ଦୀନବନ୍ଧୁ ନାୟକ ଏଠାରେ ଉପସ୍ଥିତ ଥିବା ବେଳେ ପଞ୍ଚାୟତର ପିଇଓ ନୀଳମଣି ଜେନା, ଘଟଗାଁ ବ୍ଲକ ପ୍ରଶାସନର ବିପିନ ବିହାରୀ ଖଣ୍ଡା, ଆଇଟିଡିଏରୁ ମନୋରଞ୍ଜନ ବେହେରା ଗ୍ରାମ୍ୟ ଆବାସ ବିଭାଗର ଦୟାସାଗର ମହାନ୍ତ, ଏମଆଇ ବାଜିନାଥ ମାହାଲି, ବନପାଳ ଚିତ୍ତରଞ୍ଜନ ପରିଡ଼ା ଓ ଯତୀନ୍ଦ୍ର କୁମାର ସାହୁ, ଏବିଇଓ ବେଣୁଧର ଆଚାର୍ଯ୍ୟ , ଏଆରଆଇ ବୁଲୁ ମହାରଣା, ସାନ୍ତରାପୁର ସରପଞ୍ଚ ବବିତା ସିଂ, ପଇଦାପାଟଣା ସରପଞ୍ଚ ମୁକୁନ୍ଦ ମୁଣ୍ଡା ପ୍ରମୁଖ ଅନ୍ୟମାନେ ଶୁଣାଣିରେ ସାମିଲ ଥିଲେ। ଆଗତ ଅଭିଯୋଗର ସମାଧାନ ପାଇଁ କମିଶନ ସଦସ୍ୟ ଶ୍ରୀ ନାଏକ ଅଧିକାରୀ ମାନଙ୍କୁ ଆଦେଶ ଦେଇଥିଲେ।
Popular Categories
Previous article
Next article