ନୂଆଦିଲ୍ଲୀ : ସଞ୍ଜୟ ଆରୋରା ଦିଲ୍ଳୀର ନୂଆ ପୁଲିସ ଆୟୁକ୍ତ (କମିସନର) ଭାବେ ନିଯୁକ୍ତି ପାଇଛନ୍ତି । ୧୯୮୮ ବ୍ୟାଚ ତାମିଲନାଡୁ କ୍ୟାଡର ଆଇପିଏସ୍ ସଞ୍ଜୟଙ୍କୁ ରବିବାର ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏହି ନିଯୁକ୍ତି ଦିଆଯାଇଛି । ସୋମବାର ସେ ବର୍ତ୍ତମାନର ଆୟୁକ୍ତ ରାକେଶ ଆସ୍ଥାନାଙ୍କ ଠାରୁ ଦାୟିତ୍ବ ଗ୍ରହଣ କରିବେ । ଶ୍ରୀ ଆରୋରା ଏବେ ଇଣ୍ଡୋ-ତିବ୍ବତ ବର୍ଡର ପୁଲିସ (ଆଇଟିବିପି)ର ମହାନିର୍ଦେଶକ ଭାବେ କାର୍ଯ୍ୟ କରୁଛନ୍ତି । ଇଲେକ୍ଟ୍ରିକାଲ ଆଣ୍ଡ ଇଲୋେକ୍ଟ୍ରାନିକ୍ସ ଇଞ୍ଜିନିୟରିଂରେ ବ୍ୟାଚଲର ଡିଗ୍ରୀ ହାସଲ କରିଥିବା ଶ୍ରୀ ଆରୋରା ତାମିଲନାଡୁ ପୁଲିସ ବିଭାଗର ବିଭିନ୍ନ ପଦରେ କାଯ୍ୟ କରିଛନ୍ତି । ତାମିଲନାଡୁ ବିରାପ୍ପାନ ଗ୍ୟାଙ୍ଗ ଦମନ ପାଇଁ ଗଠନ ହୋଇଥିବା ସ୍ବତନ୍ତ୍ର ଟାକ୍ସ ଫୋର୍ସରେ ସେ ଏସ୍ପି ଭାବେ କାର୍ଯ୍ୟ କରି ପୁରସ୍କୃତ ହୋଇଥିଲେ। ଏହା ସହିତ କୋଏମ୍ବାଟୋର ପୁଲିସ କମିସନର, ବିଏସଏଫର ଆଇଜି, ସିଆରପିଏଫର ଆଇଜି ଭଳି ପଦରେ କାର୍ଯ୍ୟ କରିଛନ୍ତି।
Comments are closed.