ସମ୍ବଲପୁର: ସମ୍ବଲପୁର ଜିଲାରେ ନିୟମିତ ବଣୁଆ ହାତୀ ଉପଦ୍ରବ ଜାରି ରହିଥିବା ବେଳେ ବହୁ ଦାବି ସତ୍ୱେ ଏହାକୁ ରୋକିବାରେ ସରକାର କିମ୍ବା ବନ ବିଭାଗ ବାରମ୍ବାର ବିଫଳ ହେଉଛନ୍ତି । ଏଭଳି ଏକ ଘଟଣାରେ ମଙ୍ଗଳବାର ବିଳମ୍ବିତ ରାତ୍ରିରେ ଯୁଯୁମୁରା ବ୍ଲକର ଡଙ୍ଗରପଡା ଅଞ୍ଚଳରେ ଚାଷୀ ନିରାକାର ବଡପଣ୍ଡାଙ୍କ ଧାନ ବିଲରେ ବଣୁଆ ହାତୀ ଉପଦ୍ରବ କରି ଜଳସେଚନ ପାଇଁ କରାଯାଇଥିବା ଗଭୀର ନଳକୂପ ଭାଙ୍ଗି ଦେଇଛି। ରାତିରେ ବଣୁଆ ହାତୀମାନେ ଗ୍ରାମକୁ ଆସି ଚାଷ ଜମିରେ ଉପଦ୍ରବ କରିବା ସହିତ ସେଠାରେ ଲାଗିଥିବା ଗଭୀର ନଳକୂପ, ପାଣି ପାଇପ ଆଦିକୁ ଭାଙ୍ଗି ରୁଜି ନଷ୍ଟ କରି ଦେଇଛନ୍ତି।
ଖବର ପାଇବା ପରେ ଘଟଣାସ୍ଥଳକୁ ଚାଷୀ ବଡପଣ୍ଡା ଯାଇ ସମସ୍ତ ଘଟଣା ଦେଖିବା ସହିତ ଏ ସମ୍ପର୍କରେ ପ୍ରଶାସନକୁ ଅଭିଯୋଗ କରିଛନ୍ତି। ଅଞ୍ଚଳରେ ବାରମ୍ବାର ହାତୀ ଉପଦ୍ରବ ଜାରି ରହିଥିବା ବେଳେ ଚାଷୀମାନେ ବେଶ କ୍ଷତିର ସମ୍ମୁଖୀନ ହେଉଥିବାରୁ ଏହାର ସ୍ଥାୟୀ ସମାଧାନ ଅଞ୍ଚଳବାସୀ ଦାବି କରୁଛନ୍ତି।
Comments are closed.