ସମ୍ବଲପୁର: ସର୍ଲା ୟାର୍ଡ ନିକଟରେ ମାଲବାହୀ ଟ୍ରେନ୍ ଲାଇନଚ୍ୟୁତ ହୋଇଛି । ଝାରସୁଗୁଡ଼ା ପଟୁ ଆସୁଥିବା ସିମେଣ୍ଟ ବୋଝେଇ ଟ୍ରେନ୍ ଲାଇନଚ୍ୟୁତ ହୋଇଥିବା ନେଇ ସୂଚନା ମିଳିଛି । ମିଳିଥିବା ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ରେଳଧାରଣାରୁ ୪ଟି ବଗି ଖସିପଡ଼ିଥିଲା । ଯାହାଦ୍ୱାରା ଟ୍ରେନ୍ ଚଳାଚଳ ବ୍ୟାହାତ ହୋଇଛି । ବର୍ତ୍ତମାନ ମଧ୍ୟ ଟ୍ରାକ୍ ମରାମତି କାମ ଜାରି ରହିଛି । କିଛି ଟ୍ରେନର ଗତିପଥ ବଦଳାଯାଇଥିବା ବେଳେ କିପରି ଏହି ଦୁର୍ଘଟଣା ଘଟିଲା ତାର କାରଣ ଅସ୍ପଷ୍ଟ ରହିଛି ।
ବର୍ତ୍ତମାନ ସୁଦ୍ଧା ରେଳଧାରଣାର କାର୍ଯ୍ୟ ଶେଷ ହୋଇନଥିବାରୁ ଆଜି ପାଇଁ ରାଉରକେଲା-ଭୁବନେଶ୍ୱର ଏକ୍ସପ୍ରେସକୁ ରଦ୍ଦ କରାଯାଇଛି । ସେହିପରି ଝାରସୁଗୁଡ଼ା- ସମ୍ବଲପୁର ପାସେଞ୍ଜରକୁ ମଧ୍ୟ ଆଜି ପାଇଁ ରଦ୍ଦ ହୋଇଛି । କିଛି ଯାତ୍ରୀବାହୀ ଟ୍ରେନର ଗତିପଥ ବଦଳାଯାଇଛି
