ସମ୍ବଲପୁର: ଦେଶର ସ୍ୱାଧୀନତାକୁ ୭୫ ବର୍ଷ ପୂରଣ ଅବସରରେ ‘ସ୍ୱାଧୀନତାର ଅମୃତ ମହୋତ୍ସବ’ ସାରା ଦେଶରେ ପାଳନ କରାଯାଉଛି । ଏହି କ୍ରମରେ ରାଷ୍ଟ୍ରୀୟ ରାଜମାର୍ଗ ପ୍ରାଧିକରଣ ତରଫରୁ ଏକ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରବିବାର ଏନଏଚଏଆଇର ସମ୍ବଲପୁର ଶାଖା ପକ୍ଷରୁ ସ୍ଥାନୀୟ ସିନ୍ଦୁରପଙ୍କ ଛକରୁ ଜେପି ହାଇସ୍କୁଲ ନିକଟବର୍ତ୍ତୀ ଅଞ୍ଚଳ ପର୍ଯ୍ୟନ୍ତ ଜାତୀୟ ରାଜପଥର ମଧ୍ୟ ଭାଗରେ ଚାରାରୋପଣ କରାଯାଇଛି । ଚାରା (ବୃକ୍ଷ) ରୋପଣ ଦ୍ୱାରା ପରବେଶରେ ପ୍ରଦୂଷଣ ନିୟନ୍ତ୍ରଣ, ରାଜପଥରେ ଯାନବାହନର ଆଲୋକ ଯୋଗୁ ହେଉଥିବା ଦୁର୍ଘଟଣାର ସମ୍ଭାବନାକୁ କମ କରିବା ଉଦ୍ଦେଶ୍ୟ ନେଇ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ଏନଏଚଏଆଇର ଏଚ.ଏନ. ଗୁପ୍ତାଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅଧିକାରୀ, କର୍ମଚାରୀ ଓ ଜେପି ହାଇସ୍କୁଲର ଛାତ୍ରଛାତ୍ରୀ ମାନେ ମିଳିତ ରୂପେ ଚାରାରୋପଣ କରିଥିଲେ ।
Comments are closed.