ସମ୍ବଲପୁର: କେରଳ ରାଜ୍ୟର ତିରୁଅନନ୍ତପୁରମ ଠାରେ ଗତ ୧୮ରୁ ୨୨ ତାରିଖ ପର୍ଯ୍ୟନ୍ତ ୪ର୍ଥ ଜାତୀୟ ମାଷ୍ଟର କ୍ରୀଡା ପ୍ରତିଯୋଗୀତା ଆୟୋଜିତ ହୋଇଯାଇଛି । ଏହି ପ୍ରତିଯୋଗୀତାରେ ଓଡିଶାର କ୍ରୀଡାବିତ ମାନେ ଅଂଶଗ୍ରହଣ କରିଥିଲେ । ପ୍ରତିଯୋଗୀତାରେ ମାଷ୍ଟର ଖେଳାଳି ମାନେ ୧୩ଟି ସ୍ୱର୍ଣ୍ଣ, ୧ଟି ରୌପ୍ୟ ଓ ୪ଟି ବ୍ରୋଞ୍ଜ ପଦକ ସମେତ ସମୁଦାୟ ୧୮ଟି ପଦକ ହାସଲ କରିଛନ୍ତି । ମହିଳା ୪୫ ବର୍ଷିୟ ବର୍ଗରେ ରେଖା ଦେ ୧୦୦ ମିଟିର, ଲମ୍ବଡିଆଁ ଓ ଟ୍ରିପଲ ଜମ୍ପ ପ୍ରତିଯୋଗୀତାରେ ସ୍ୱର୍ଣ୍ଣ ପଦକ, ମାଳବିକା ମିଶ୍ର ମହିଳା ୪୦ ବର୍ଷିୟ ବର୍ଗର ୪୦୦ ମିଟର ବାଧା ଦୌଡରେ ରୌପ୍ୟ, ପାର୍ବତୀ ସେଠ ୪୦ ବର୍ଷ ମହିଳା ବର୍ଗର ଡିସକସ ଓ ସଟପୁଟରେ ସ୍ୱର୍ଣ୍ଣ ପଦକ, ଏ. ସରୋଜିନୀ ୪୦ ବର୍ଷ ମହିଳା ବର୍ଗର ୮୦ ମିଟର ବାଧା ଦୌଡରେ ସ୍ୱର୍ଣ୍ଣ ପଦକ ଓ ଟ୍ରିପଲ ଜମ୍ପରେ ବ୍ରୋଞ୍ଜ ପଦକ, ଅନୁପମା ଘିବେଲା ୪୦ ବର୍ଷ ମହିଳା ବର୍ଗର ୮୦ ମିଟର ବାଧା ଦୌଡରେ ବ୍ରୋଞ୍ଜ, ଅରୁଣା ଘିବେଲା ୩୫ ବର୍ଷ ମହିଳା ବର୍ଗର ଉଚ୍ଚ ଡିଆଁରେ ସ୍ୱର୍ଣ୍ଣ ପଦକ, କମଲିନି ନାଏକ ମହିଳା ୩୦ ବର୍ଷର ୧୦୦ ମିଟର, ଲମ୍ବ ଡିଆଁ ଓ ଟ୍ରିପଲ ଜମ୍ପରେ ସ୍ୱର୍ଣ୍ଣ ପଦକ ଲାଭ କରିଛନ୍ତି ।
ସେହିଭଳି ପୁରୁଷ ବିଭାଗର ୪୦ ବର୍ଷ ବର୍ଗରେ ମନିକାନ୍ତ ରାଜ ୧୦୦ ମିଟର ଓ ୨୦୦ ମିଟର ସ୍ୱର୍ଣ୍ଣ ପଦକ, ବୁଧୁଆ ମୁଣ୍ଡା ୩୦ ବର୍ଷ ବର୍ଗର ୫ ହଜାର ମିଟର ଦୌଡ, ୧୫ ଶହ ମିଟର ଦୌଡରେ ବ୍ରୋଞ୍ଜ ପଦକ ଲାଭ କରିଛନ୍ତି । ଆନ୍ତଜାତୀୟ ମାଷ୍ଟର କ୍ରିଡାବିତ ସୁନ୍ଦରମଣି ବାରିକ ସଂଯୋଜକର ଦାୟିତ୍ୱ ତୁଲାଇଥିବା ବେଳେ ଓଡିଶା ଦଳର ସମସ୍ତ କୃତୀ ପ୍ରତିଯୋଗୀ ମାନଙ୍କୁ ରାଜ୍ୟ ମାଷ୍ଟର ଗେମ୍ସର ସମ୍ପାଦକ ଶିବ ମିଶ୍ର ଶୁଭେଚ୍ଛା ଜଣାଇଛନ୍ତି ।
