ସମ୍ବଲପୁର : ସମ୍ବଲପୁର ଜିଲାର ସଦର ଥାନା ଅନ୍ତର୍ଗତ କୁଲତା-ନୂଆଁପାଲି ଗାଁରେ ନିଜ ଘର ଅଗଣାରେ ଜଣେ ମହିଳାଙ୍କ ଅର୍ଦ୍ଧଦଗ୍ଧ ମୃତ ଦେହ ଠାଵ ହୋଇଛି । ସହରର ଉପକଣ୍ଠସ୍ଥ କୁଲତା-ନୂଆଁପାଲି ଗାଁରେ ମଙ୍ଗଳବାର ଜଣେ ମହିଳାଙ୍କ ମୃତ ଦେହକୁ ଦେଖି ତାଙ୍କର ଭାଇ ତଥା ସ୍ଥାନୀୟ ଲୋକେ ପୁଲିସକୁ ସୂଚନା ଦେଇଥିଲେ। ମୃତ ମହିଳା ଜଣକ ଜ୍ୟୋଷ୍ଣା ପ୍ରଧାନ ବୋଲି ପ୍ରାଥିମିକ ତଦନ୍ତରୁ ଜଣାପଡିଛି । ତାଙ୍କର ବୟସ ପ୍ରାୟ ୪୦ ହେବ। ଘଟଣା ସ୍ଥଳରେ ସଦର ଥାନା ଅଧିକାରୀ ଚିନ୍ତାମଣି ପ୍ରଧାନଙ୍କ ନେତୃତ୍ୱରେ ଏକ ଟିମ ପହଞ୍ଚି ତଦନ୍ତ ଆରମ୍ଭ କରିଛି। ତଦନ୍ତରେ ସହାୟତା ପାଇଁ ସଇଣ୍ଟଟିଫିକ ଦଳକୁ ମଧ୍ୟ ଡକା ଯାଇଛି। ଉଭୟ ପୁଲିସ ଓ ସାଇଣ୍ଟିଫିକ ଟିମ ବର୍ତ୍ତମାନ ତଦନ୍ତ ଜାରି ରଖିଛି। ତେବେ ସ୍ଥାନୀୟ ଲୋକଙ୍କ ଅନୁସାରେ ଜ୍ୟୋଷ୍ଣାଙ୍କ ଭାଇ ସନାତନ ପ୍ରଧାନଙ୍କ ସହ ତାଙ୍କର ସବୁବେଳେ ଝଗଡା ଲାଗି ରହୁଥିଲା । ତେଣୁ ପାରିପାର୍ଶ୍ବିକ ପରିସ୍ଥିତିରୁ ଏହା ଏକ ପରିବାରିକ କଳହ ଜନିତ ଏକ ହତ୍ୟାକାଣ୍ଡ ବୋଲି ଆଶଙ୍କା କରାଯାଉଛି । ଅନ୍ୟ ପଟେ ମୃତ ଜ୍ୟୋଷ୍ଣାଙ୍କ ବଡ଼ ଭାଇ ସନାତନଙ୍କ ପରିବାର ଲୋକେ ବର୍ତ୍ତମାନ କେହି ନ ଥିବାରୁ ଏହା ଏହା ହତ୍ୟାକାଣ୍ଡ ବୋଲି ସନ୍ଦେହ ଦୃଢ଼ୀଭୂତ ହେଉଛି । ତେବେ ଜ୍ୟୋଷ୍ଣାଙ୍କ ଭାଇ ଏ ନେଇ ସେ କିଛି ଜାଣିନଥିବା କହିଛନ୍ତି। ତେବେ ଏହା ଏକ ଆତ୍ମହତ୍ୟା ନା ହତ୍ୟାକାଣ୍ଡ ଶବ ବ୍ୟବଛେଦ ରିପୋର୍ଟ ଆସିଲା ପରେ ସ୍ପଷ୍ଟ ହେବ । ଏହି ଘଟଣା କୁ ନେଇ ସହରରେ ଚାଞ୍ଚଲ୍ୟ ଖେଳି ଯାଇଛି ।
Comments are closed.