ମୋହନା: ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ବିରିକୋଟ ଗ୍ରାମରେ ଦୀର୍ଘବର୍ଷ ଧରି ପାନୀୟ ଜଳର ଘୋର ଅଭାବ ଦେଖିବାକୁ ମିଳୁଥିଲା। ଲୋକେ ପାଣି ମୁନ୍ଦାଏ ପିଇବା ପାଇଁ ଡହଳବିକଳ ହେଉଥିଲେ। ଗାଁଠାରୁ ୨ କିମି ଦୂରରେ ହରଭଙ୍ଗି ଜଳଭଣ୍ଡାର ରହିଥିବା ସତ୍ତ୍ଵେ ଗ୍ରାମବାସୀ ଭୋଗୁଛନ୍ତି ଜଳଯନ୍ତ୍ରଣା । ଏହି ଖବର ‘ସମାଜ ଲାଇଭ’ରେ ୮ତାରିଖରେ ପ୍ରକାଶନ ହେବାପରେ ନିଆଯାଇଛି ତ୍ବରିତ ପଦକ୍ଷେପ। ଜିଲ୍ଲା ପାନୀୟ ଜଳ ଯୋଗାଣ ଓ ପରିମଳ ବିଭାଗ ନିର୍ବାହୀ ଯନ୍ତ୍ରୀ ବିକାଶ କୁମାର ପତିଙ୍କ ନିର୍ଦ୍ଦେଶରେ ମୋହନା ଆରଡବ୍ଲ୍ୟୁଏସଏସ ସହକାରୀ ଯନ୍ତ୍ରୀ ପଦ୍ମନାଭ ଖଣ୍ଡାଇଙ୍କ ତତ୍ତ୍ଵଵଧାନରେ କର୍ମଚାରୀମାନେ ବିରିକୋଟ ଗ୍ରାମରେ ପହଞ୍ଚି ଗାଁଠାରୁ ୨ କିମି ଦୂର ଆଶ୍ରୟପୁର ଗାଁ ନିକଟରେ ରହିଥିବା ହରଭଙ୍ଗି ଡ୍ୟାମରୁ ଗ୍ରାମକୁ ବିଛାଯାଇଥିବା ଏଚଡିପିଇ ପାଇପକୁ ଆଜି ସଜାଡ଼ଛନ୍ତି। ୪ଟି ସ୍ଥାନରେ ଫାଟିଯାଇଥିବା ପାଇପକୁ ମରାମତି କରିଛନ୍ତି। ଏହାପରେ ପାଣିପାଇ ଗ୍ରାମବାସୀ ଖୁସି ବ୍ୟକ୍ତ କରିଛନ୍ତି।
Popular Categories
Previous article
Next article