ସାକ୍ଷୀଗୋପାଳ : ପୁରୀ ଗଜପତି ମହାରାଜାଙ୍କ ଦ୍ୱାରା ପ୍ରତିଷ୍ଠିତ ଆଦ୍ୟ ଶାସନ ସତ୍ୟବାଦୀ ବ୍ଲକ ଅନ୍ତର୍ଗତ ବୀର ରାମଚନ୍ଦ୍ରପୁର ଶାସନ ଗ୍ରାମରେ ଶନିବାର ପବିତ୍ର ପଞ୍ଚକ ବ୍ରତର ତୃତୀୟ ଦିନରେ ବାବା ଧବଳେଶ୍ୱର ଦେବଙ୍କ ପୀଠରେ ବଡ ଓଷା ପାଳିତ ହୋଇଯାଇଛି। ବଡ଼ ଓଷା ଉପଲକ୍ଷେ ବାବାଙ୍କ ପୀଠରେ ହଜାର ହଜାର ଭକ୍ତଙ୍କର ଜନ ସମାଗମ ହୋଇଥିଲା । ପ୍ରାତଃ ସମୟରୁ ବାବା ଧବଳେଶ୍ୱରଙ୍କର ବଡ ଓଷା ନୀତିକାନ୍ତି ଦ୍ୱାର ଫିଟା, ୧୦୮ କଳସୀ ସୁବାଷିତ ଜଳରେ ଅଭିଷେକ, ଖେଚୁଡ଼ି ଭୋଗ ଆଦି ରୀତିନୀତି ଅନୁଷ୍ଠିତ ହୋଇଥିଲା । ଏହା ପରେ ବାବା ଭକ୍ତ ମାନଙ୍କୁ ବଡସିଂହାର ବେଶରେ ଦର୍ଶନ ଦେଇଥିଲେ। ଭକ୍ତ ଓ ଶ୍ରଦ୍ଧାଳୁ ମାନେ ଯେପରି ଶାନ୍ତି ଓ ଶୃଙ୍ଖଳା ସହ ଦର୍ଶନ କରିପାରିବେ ସେଥିପାଇଁ ବୀର ରାମଚନ୍ଦ୍ରପୁର ଧବଳେଶ୍ବର କମିଟି, ସତ୍ୟବାଦୀ ବ୍ଳକ ପ୍ରଶାସନ ଓ ପୁଲିସ ବିଭାଗ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା। ମନ୍ଦିରକୁ ରଙ୍ଗ ବେରଙ୍ଗ ଫୁଲ ଓ ସୁନ୍ଦର ଆଲୋକରେ ସଜ୍ଜିତ କରାଯାଇଥିଲା।
Popular Categories
Previous article
Next article