ପାଟଣା : କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅନ୍ତର୍ଗତ ୨୨୦ ନମ୍ବର ଜାତୀୟ ରାଜପଥର ଢେଙ୍କିକୋଟ ପାଟଣା ରାସ୍ତାର କପାସପଡା ନିକଟରେ ଶନିବାର ସଂନ୍ଧ୍ୟାରେ ଦୁଇ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ଜଣେ ଯୁବକର ମୃତ୍ୟୁ ଘଟିଥିବାବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି। ମୃତକ ମୂଷାଖୋରୀ ପଞ୍ଚାୟତ ଅନ୍ତର୍ଗତ ରଥପଡା ଗ୍ରାମର ତ୍ରିଲୋଚନ ମହାନ୍ତଙ୍କ ଏକ ମାତ୍ର ସନ୍ତାନ ସୁଦର୍ଶନ ମହାନ୍ତ ଓରଫ ଦିଲିପା(୧୭) ବୋଲି ଜଣାପଡିଥିବାବେଳେ ଗୁରୁତରମାନେ ହେଲେ ପାଟଣା ଥାନା ସାଧୁପଡା ଗ୍ରାମର ଘନଶ୍ୟାମ ମହାନ୍ତ ଓ କରଞ୍ଜିଆ ଅଞ୍ଚଳର ବୀରକିଶୋର ମାଟିଆ ବୋଲି ଜଣାପଡିଛି।
ଗୁରୁତର ଦୁଇ ଜଣଙ୍କୁ ପ୍ରଥମେ ଘଟଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ଅବସ୍ଥା ଅଧିକ ଗୁରୁତର ଥିବାରୁ ସେଠାରୁ ତାଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇଛି। ଢେଙ୍କିକୋଟ ପୁଲିସ ଘଟଣାର ତଦନ୍ତ କରିଛି। କରଞ୍ଜିଆରୁ ଆସୁଥିବା ବୀରକିଶୋର ମାଟିଆ ଙ୍କ ପଲସର ବାଇକ ସହ ଢେଙ୍କିକୋଟ ହାଟରୁ ଗାଁ କୁ ଫେରୁଥିବା ଘନଶ୍ୟାମ ଙ୍କ ବାଇକ ସହ ମୁହାଁମହିଁ ଧକ୍କା ହୋଇଥିଲା।
