ସାକ୍ଷୀଗୋପାଳ – ସତ୍ୟବାଦୀ ବ୍ଲକ ଅତିରିକ୍ତ ମଣ୍ଡଳ ଶିକ୍ଷାଧିକାରୀ ମୂଷା ମଲ୍ଲିକଙ୍କ ଅଭିଯୋଗକୁ ଭିତ୍ତି କରି ଗତକାଲି ନିଲମ୍ବିତ ହୋଇଥିବା ଶିକ୍ଷକ ବିଶ୍ୱଜିତ ପ୍ରଧାନଙ୍କ ବିରୋଧରେ ସତ୍ୟବାଦୀ ପୋଲିସ ଏକ ମୋକଦ୍ଦମା ରୁଜୁ କରିଛନ୍ତି । ଅତିରିକ୍ତ ମଣ୍ଡଳ ଶିକ୍ଷାଧିକାରୀ ସତ୍ୟବାଦୀ ଥାନାରେ ଦେଇଥିବା ଅଭିଯୋଗ ଅନୁସାରେ ଦିନ ପ୍ରାୟ ୧୨ ଟା ସମୟରେ ନିଲମ୍ବିତ ଶିକ୍ଷକ ପ୍ରଧାନ ବୀର ଗୋବିନ୍ଦ ପୁରସ୍ଥିତ ମଣ୍ଡଳ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ପହଞ୍ଚିଥିଲେ ।
କାର୍ଯ୍ୟାଳୟରେ ବାଧା ସୃଷ୍ଟି କରିବା ସହିତ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହିତ ଦୁର୍ବ୍ୟବହାର କରିଥିଲେ । ଅଭିଯୋଗକୁ ଭିତ୍ତି କରି ସତ୍ୟବାଦୀ ପୁଲିସ ଆଇପିସି ୪୪୮,୨୯୪,୩୨୩,୩୩୨,୩୫୩,୩୦୭,୪୨୭,୫୦୬ ଓ ଅନୁସୂଚିତ ଜାତି ଓ ଅନୁସୂଚିତ ଜନଜାତି ଧାରା ୩ ଦଫାରେ ମୋକଦ୍ଦମା ରୁଜୁ କରିଛନ୍ତି ।
ନିଲମ୍ବିତ ଶିକ୍ଷକ ଶ୍ରୀଯୁକ୍ତ ପ୍ରଧାନ ସତ୍ୟବାଦୀ ଥାନାରେ ଅଟକ ଅଛନ୍ତି । ଘଟଣାର ତଦନ୍ତ ଚାଲିଅଛି ବୋଲି ସତ୍ୟବାଦୀ ଆରକ୍ଷୀ ନିରୀକ୍ଷକ ବିଜୟ କେତନ ବେହେରାଙ୍କ ସୂତ୍ରରୁ ଜଣା ପଡିଛି ।
