ମୁମ୍ବଇ : ୨୬/୧୧ ମୁମ୍ବଇ ଆତଙ୍କବାଦୀ ଆକ୍ରମଣ ଘଟଣାରେ ଭାରତକୁ ପ୍ରତ୍ୟର୍ପିତ ହୋଇଥିବା ତାହାଉର ରାଣାକୁ ବର୍ତ୍ତମାନ ଏନ୍ଆଇଏ (ଜାତୀୟ ତଦନ୍ତକାରୀ ସଂସ୍ଥା) ହାଜତରେ ରଖାଯାଇଛି। କଡା ସୁରକ୍ଷା ବଳୟ ଭିତରେ ରହିଥିବା ରାଣାକୁ ମହାରାଷ୍ଟ୍ର କ୍ୟାଡରର ବରିଷ୍ଠ ଆଇପିଏସ ତଥା ଏନ୍ଆଇଏ ଡିଜି ସଦାନନ୍ଦ ଦାତେ ଜେରା କରିବେ ବୋଲି ଜଣାପଡିଛି। ୨୦୦୮ ନଭେମ୍ବର ୨୬ରେ ଲସ୍କର ଆତଙ୍କବାଦୀମାନେ ମୁମ୍ବଇ ସହରରେ ବିଭିନ୍ନ ସ୍ଥାନରେ ନରସଂହାର ଚଳାଇଥିବାବେଳେ ସଦାନନ୍ଦ ମୁମ୍ବଇରେ ଅତିରିକ୍ତ ପୁଲିସ କମିସନର ଭାବେ କାର୍ଯ୍ୟରତ ଥିଲେ। କାମା ହସ୍ପିଟାଲ ନିକଟେର ସଦାନନ୍ଦଙ୍କ ନେତୃତ୍ବାଧୀନ ପୁଲିସ ଟିମ୍ ସହ ଆଜମଲ କସାବ୍ର ମୁହାଁମୁହିଁ ହୋଇଥିଲା। କସାବ୍ର ଗ୍ରେନେଡ ମାଡରେ ସଦାନନ୍ଦ ଆହତ ହୋଇଥିବାବେଳେ ଦୁଇଜଣ ଆତଙ୍କବାଦୀ ସେଠାରୁ ପଳାୟନ କରିବାରେ ସଫଳ ହୋଇଥିଲେ। ଆହତ ହୋଇଥିବା ସତ୍ତ୍ବେ ସଦାନନ୍ଦ ଏହି ଆତଙ୍କବାଦୀଙ୍କ ପିଛା କରି ଜଣକୁ ମାରିବାରେ ସଫଳ ହୋଇଥିଲେ। ଏଭଳି ସାହସିକତା ପାଇଁ ତାଙ୍କୁ ରାଷ୍ଟ୍ରପତି ପଦକରେ ସମ୍ମାନିତ କରାଯାଇଥିଲା। ସଦାନନ୍ଦ ପରବର୍ତ୍ତୀ ସମୟରେ ମୁମ୍ବଇ ଏଟିଏସ ମୁଖ୍ୟ, ସିଆରପିଏଫ୍ ଆଇଜି ଭଳି ପଦରେ କାର୍ଯ୍ୟକରି ପ୍ରଶଂସିତ ହୋଇସାରିଛନ୍ତି।
Comments are closed.