ନୂଆଦିଲ୍ଲୀ: ସଦାନନ୍ଦ ଦାତେଙ୍କୁ ଜାତୀୟ ତଦନ୍ତକାରୀ ସଂସ୍ଥା(ଏନ୍ଆଇଏ) ମହାନିର୍ଦେଶକ ଭାବେ ନିଯୁକ୍ତ କରିଛନ୍ତି କେନ୍ଦ୍ର ସରକାର। ସଦାନନ୍ଦ ଏଥିପୂର୍ବରୁ ମୁମ୍ବଇ ଏଟିଏସ୍ ମୁଖ୍ୟ ଭାବେ କାର୍ଯ୍ୟ କରୁଥିଲେ। ଏନ୍ଆଇଏ ମହାନିର୍ଦେଶକ ଭାବେ ଦାୟିତ୍ବ ନିର୍ବାହ କରୁଥିବା ଦିନକର ଗୁପ୍ତା ଆସନ୍ତା ୩୧ରେ ଅବସର ନେବା ପରେ ସଦାନନ୍ଦ ଦାୟିତ୍ବ ଗ୍ରହଣ କରିବେ। ୨୦୦୮ରେ ମୁମ୍ବଇରେ ହୋଇଥିବା ଆତଙ୍କବାଦୀ ଆକ୍ରମଣ ସମୟରେ ସଦାନନ୍ଦ ମୁମ୍ବଇ ଏଟିଏସ୍ରେ କାର୍ଯ୍ୟରତ ଥିଲେ। ସେତେବେଳେ ସାହସର ସହ ଆତଙ୍କବାଦୀଙ୍କ ମୁକାବିଲା କରିଥିଲେ। ମୁମ୍ବଇ ଏଟିଏସ୍ ବ୍ୟତୀତ ସଦାନନ୍ଦ ସିବିଆଇ ଡିଆଇଜି ଓ ସିଆରପିଏଫ୍ ଆଇଜି ଭାବେ କାର୍ଯ୍ୟ କରିଥିଲେ। ସେହିପରି ବ୍ୟୁରୋ ଅଫ୍ ପୁଲିସ ରିସର୍ଚ୍ଚ ଆଣ୍ଡ ଡେଭେଲପମେଣ୍ଟ(ବିପିଆର୍ ଆଣ୍ଡ ଡି) ସଂସ୍ଥାର ମହାନିର୍ଦେଶକ ଭାବେ ରାଜୀବ କୁମାର ଶର୍ମାଙ୍କୁ ନିଯୁକ୍ତ କରିଛନ୍ତି କେନ୍ଦ୍ର ସରକାର। ରାଜୀବ କୁମାର ବର୍ତ୍ତମାନ ରାଜସ୍ଥାନ ଦୁର୍ନୀତି ନିବାରଣ ବିଭାଗ ଶାଖାର ମୁଖ୍ୟ ଭାବେ କାର୍ଯ୍ୟ କରୁଛନ୍ତି। ପୂର୍ବରୁ ସେ ରାଜସ୍ଥାନ ପୁଲିସ ମହାନିର୍ଦେଶକ ଭାବେ କାର୍ଯ୍ୟ କରିଥିଲେ। ଅନ୍ୟପକ୍ଷରେ ପୀୟୂଷ ଆନନ୍ଦଙ୍କୁ ଜାତୀୟ ବିପର୍ଯ୍ୟୟ ପ୍ରଶମନ ବାହିନୀ(ଏନ୍ଡିଆରଏଫ୍) ମହାନିର୍ଦେଶକ ଭାବେ ନିଯୁକ୍ତ କରାଯାଇଛି।
Popular Categories
Previous article
Next article