ନୂଆଦିଲ୍ଲୀ : ଅଣ୍ଡର ୱାର୍ଲଡ ଡନ୍ ଦାଉଦ ଇବ୍ରାହିମର ଘନିଷ୍ଠ ସହଯୋଗୀ ମୁସ୍ତାକ ମହମ୍ମଦ ଫାରୁକ ଓରଫ୍ ଫାରୁକ୍ ଟକ୍ଲାକୁ ସିବିଆଇ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତରାଷ୍ଟ୍ରୀୟ ବିମାନ ବନ୍ଦରରୁ ଗିରଫ କରିଛି। ଫାରୁକ୍ ଟକ୍ଲା ଦୁବାଇରୁ ଆସି ଦିଲ୍ଲୀରେ ପହଞ୍ଚିବା ପରେ ତାକୁ ଗିରଫ କରାଯାଇଛି ବୋଲି ସିବିଆଇ ପକ୍ଷରୁ କୁହାଯାଇଛି। ତାକୁ ମୁମ୍ବାଇ ନିଆଯାଉଛି। ୧୯୯୩ ମୁମ୍ବଇ ସିରିଏଲ ବୋମା ବିସ୍ଫୋରଣ ମାମଲାରେ ସଂପୃକ୍ତି ଅଭିଯୋଗରେ ତାକୁ ଅଧିକୃତ ନ୍ୟାୟାଳୟରେ ହାଜର କରାଯିବ। ୧୯୯୩ ମୁମ୍ବଇ ସିରିଏଲ ବୋମା ବିସ୍ଫୋରଣରେ ୨୫୭ ଜଣଙ୍କର ମୃତ୍ୟୁ ଘଟିଥିଲା। ୧୯୯୫ରେ ଟକ୍ଲା ବିରୁଦ୍ଧରେ ରେଡ୍ କର୍ଣ୍ଣର ନୋଟିସ ଜାରି କରାଯାଇଥିଲା। ଆତଙ୍କବାଦୀ କାର୍ଯ୍ୟକଳାପ, ଅପହରଣ ଓ ହତ୍ୟା ଅଭିଯୋଗରେ ତାକୁ ପୁଲିସ ଖୋଜୁଥିଲା।
