ନୂଆଦିଲ୍ଲୀ : ରୋହିତ ଶର୍ମା ଟେଷ୍ଟ କ୍ରିକେଟରୁ ସନ୍ୟାସ ଘୋଷଣା କରିଛନ୍ତି । ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଷ୍ଟୋରୀ ସେୟାର କରି ସନ୍ୟାସ ନେଇ ସୂଚନା ଦେଇଛନ୍ତି । ଟି-୨୦ ପୂର୍ବରୁ ହିଁ ସନ୍ୟାସ ନେଇଥିବା ରୋହିତ ଏଣିକି କେବଳ ଦିନିକିଆ ମ୍ୟାଚ୍ ଖେଳିବା ଜାରି ରଖିବେ । ବୁଧବାର ସନ୍ଧ୍ୟାରେ ରିପୋର୍ଟ ଆସିଥିଲା କି ତାଙ୍କୁ ଇଂଲଣ୍ଡ ଗସ୍ତରେ ଟେଷ୍ଟ ଅଧିନାୟକ ପଦରୁ ହଟାଯିବ । ଏହା ପରେ ସେ ରେଡ୍ ବଲ୍ କ୍ରିକେଟକୁ ବିଦାୟ କହିଛନ୍ତି ।
ଇନଷ୍ଟାଗ୍ରାମ ହ୍ୟାଣ୍ଡେଲରେ ଷ୍ଟୋରୀ ସେୟାର କରି ସେ ଲେଖିଛନ୍ତି କି ‘ହ୍ୟାଲୋ, ମୁଁ ସମସ୍ତଙ୍କୁ ଜଣାଇବାକୁ ଚାହୁଁଛି କି ମୁଁ ଟେଷ୍ଟ କ୍ରିକେଟରୁ ଅବସର ନେଉଛି । ରେଡ୍ ବଲ କ୍ରିକେଟରେ ଦେଶର ପ୍ରତିନିଧିତ୍ବ କରିବା ମୋ ପାଇଁ ଗୌରବର ସମୟ ଥିଲା । ପ୍ରେମ ଓ ସମର୍ଥନ ପାଇଁ ସମସ୍ତଙ୍କୁ ଧନ୍ୟବାଦ । ମୁଁ ଓ୍ବନଡେ ଫର୍ମାଟରେ ଦେଶ ପାଇଁ ଖେଳିବି ।’ କହିରଖୁଛୁ ରୋହିତ ଭାରତ ପାଇଁ ୨୦୧୩ ରେ ଟେଷ୍ଟ ଡେବ୍ୟୁ କରିଥିଲେ।
