ରାସ୍ତାରେ ବସିଲେ ଗ୍ରାମବାସୀ ଓ ଛାତ୍ରଛାତ୍ରୀ

କେନ୍ଦୁଝର : କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଦରିବାହାଲ ଠାରେ ଶନିବାର ଗ୍ରାମବାସୀ ଓ ଛାତ୍ରଛାତ୍ରୀମାନେ ମିସି ରାସ୍ତାରୋକ କରିଛନ୍ତି  । ଗ୍ରାମକୁ ଥିବା ବିଜୁ ଏକ୍ସପ୍ରେସ ରୋଡ୍ ମରଣାଯନ୍ତା ପାଲଟିଥିବା ଅଭିଯୋଗରେ ଏହି ରାସ୍ତାରୋକ କରାଯାଇଛି ।

ସୂଚନା ଅନୁଯାୟୀ, ଏହି ରାସ୍ତା ଦେଇ ଗ୍ରାମବାସୀ  ଯାତାୟତ କରୁଥିବାବେଳେ ଛୋଟ ପିଲାମାନେ ସ୍କୁଲ ଯିବାଆସିବା କରୁଛନ୍ତି । ରାସ୍ତାର ଆବସ୍ଥା ସମ୍ପୂର୍ଣ୍ଣରୂପେ ଖରାପ ହୋଇଯାଇଥିବାରୁ ଏବେ ଏହା ମରଣଯନ୍ତା ପାଲଟିଛି । ଗ୍ରାମବାସୀ ଏନେଇ ପ୍ରଶାସନକୁ ଜଣାଇଥିଲେ ମଧ୍ୟ ରାସ୍ତା ମରାମତି କାର୍ଯ୍ୟ ଆରମ୍ଭ ହୋଇନାହିଁ । ତେଣୁ ଗ୍ରାମବାସୀଙ୍କ ସହ ବହୁ ଛାତ୍ରଛାତ୍ରୀ ରାସ୍ତା ମରାମତି ଦାବିରେ ଦରିବାହଲ ଠାରେ ରାସ୍ତାରୋକୋ କରିଛନ୍ତି ।