ଝାରସୁଗୁଡ଼ା : ଝାରସୁଗୁଡ଼ା ଟାଉନ ଥାନା ବିଟିଏମ ଫାଣ୍ଡି ଅନ୍ତର୍ଗତ ବକ୍ସି ଛକ ନିକଟରେ ଏକ ଟ୍ରଲର ଧକ୍କାରେ ବାଇକ ଆରୋହୀ ସାନ ଭାଇର ମୃତ୍ୟୁ ହୋଇଥିବାବେଳେ ବଡ଼ ଭାଇ ଗୁରୁତର ହୋଇଥିବା ଜଣାପଡିଛି। ମୃତକ ହେଉଛନ୍ତି ସୁନ୍ଦରଗଡ଼ ନିବାସୀ ବସନ୍ତ କୁଲୁ(୨୫)। ସୂଚନା ଅନୁସାରେ, ବସନ୍ତ ଓ ତାଙ୍କ ବଡ଼ଭାଇ ସୁଶାନ୍ତ(୨୬) ନିଜ ବଡ଼ଭଉଣୀଙ୍କ ଘର ଏଚ୍.କଟାପାଲିକୁ ଆସିଥିଲେ। ସେଠାରେ କାମ ସାରି ଘରକୁ ଫେରିବାବେଳେ ବକ୍ସି ଛକ ନିକଟରେ ଏକ ଟ୍ରଲର ଧକ୍କା ଦେଇଥିଲା। ଦୁର୍ଘଟଣା ବିଷୟରେ ସୂଚନା ପାଇ ବିଟିଏମ ଫାଣ୍ଡି ପୁଲିସ ତୁରନ୍ତ ଦୁଇ ଭାଇଙ୍କୁ ଉଦ୍ଧାର କରି ସଦର ଡାକ୍ତରଖାନାକୁ ନେଇଥିଲେ। ହେଲେ ଡାକ୍ତରମାନେ ବସନ୍ତଙ୍କୁ ମୃତ ଘୋଷଣା କରିଥିଲେ। ଅନ୍ୟପକ୍ଷରେ ବଡ଼ଭାଇ ସୁଶାନ୍ତଙ୍କ ଚିକିତ୍ସା ଜାରି ରହିିଛି। ଦୁର୍ଘଟଣା ପରେ ଟ୍ରଲର ଚାଳକ ଫେରାର ହୋଇଯାଇଛି। ପୁଲିସ ଟ୍ରଲରକୁ ଜବତ କରି ତଦନ୍ତ ଜାରି ରଖିଛି।
Comments are closed.