ବିହାର ବିଧାନସଭା ନିର୍ବାଚନର ଫଳାଫଳ ପୂର୍ବରୁ ଆରଜେଡି ଏମଏଲସି ସୁନିଲ ସିଂହ ବିବାଦୀୟ ବୟାନ ଦେଇ ଫସିଛନ୍ତି। ସେ କହିଥିଲେ କି ଯଦି ମତଗଣନାରେ ଗଡବଡ ହୁଏ ତେବେ ବିହାରକୁ ବାଂଲାଦେଶ ଓ ନେପାଳ କରିଦେବୁ। ଏହାକୁ ନେଇ ଗୋଟେ ପଟେ ବିଜେପି ଓ ଜେଡିୟୁ ଆକ୍ରମଣ କରିଥିବାବେଳେ ଅନ୍ୟପଟେ ରାଜ୍ୟ ପୁଲିସ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି।
ରାଜ୍ୟର ପୁଲିସ ମହାନିର୍ଦ୍ଦେଶକଙ୍କ ଆଦେଶରେ ପାଟଣାର ସାଇବର ଥାନାରେ ସୁନିଲ ସିଂହଙ୍କ ବିରୁଦ୍ଧରେ ଏଫଆଇଆର ରେଜିଷ୍ଟର ହୋଇଛି। ଡିଜିପି କହିଛନ୍ତି ଯେ ଏହି ବୟାନ ଦଙ୍ଗାକୁ ଉସକାଉଛି। ଡିଜିପି ବିନୟ କୁମାର କହିଛନ୍ତି ଯେ ଭୋଟ୍ ଗଣନାର ପ୍ରସ୍ତୁତି ସରିଛି। ପର୍ଯ୍ୟାପ୍ତ ସଂଖ୍ୟାରେ ପୁଲିସକର୍ମୀଙ୍କୁ ନିୟୋଜିତ କରାଯାଇଛି। ଯାଞ୍ଚ ଚାଲିଛି, ବିଜୟ ଉତ୍ସବ କେଉଁଠି ବି ଯେପରି ପାଳନ କରାନଯାଏ ସେଥିପାଇଁ ନିର୍ବାଚନ ଆୟୋଗଙ୍କ ପୂର୍ବରୁ ନିୟମ ରହିଥିବା ସେ ସୂଚନା ଦେଇଛନ୍ତି।
