ନୂଆଦିଲ୍ଲୀ: ଏକ ଅଧ୍ୟୟନରୁ ଜଣାପଡିଛି ଯେ ଗରିବ ଲୋକଙ୍କ ତୁଳନାରେ ଅଧିକାଂଶରେ ଧନୀ ଲୋକ ମାନେ ମାରାତ୍ମକ କର୍କଟ ରୋଗର ଶିକାର ହେଉଛନ୍ତି। ବର୍ତ୍ତମାନ ସ୍ଥିତିରେ ଏହା ଦେଖାଯାଉଛି ଯେ, କମ୍ ଆୟ କରୁଥିବା ଲୋକ ଅଧିକ ରୋଜଗାର କରୁଥିବା ଲୋକଙ୍କ ତୁଳନାରେ ରୋଗ ପ୍ରତି ଅଧିକ ସମ୍ବେଦନଶୀଳ। ଫିନଲ୍ୟାଣ୍ଡର ହେଲସିଙ୍କି ବିଶ୍ଵ ବିଦ୍ୟାଳୟର ଏକ ଅଧ୍ୟୟନରୁ ଏହା ଜଣାପଡିଛି। ଧନୀ ଶ୍ରେଣୀୟ ଲୋକଙ୍କୁ ଅଧିକାଂଶରେ ସ୍ତନ, ପ୍ରୋଷ୍ଟେଟ୍ ଏବଂ ଅନ୍ୟାନ୍ୟ ପ୍ରକାରର କର୍କଟ ହେବାର ଆଶଙ୍କା ଅଧିକ ମାତ୍ରାରେ ରହିଥାଏ। ନ୍ୟୁୟର୍କ ଟାଇମ୍ସର ରିପୋର୍ଟ ମୂତାବକ କମ୍ ଆୟ କରୁଥିବା ଲୋକମାନେ ଜେନେଟିକ୍ ଭାବରେ ମଧୁମେହ, ଆଥ୍ରାଇଟିସ୍, ଡିପ୍ରେସନ୍, ମଦ୍ୟପାନ ଏବଂ ଫୁସଫୁସ୍ କର୍କଟ ରୋଗ ପ୍ରତି ଅଧିକ ସମ୍ବେଦନଶୀଳ ରହିଥାନ୍ତି। ପୁରୁଷ ଏବଂ ମହିଳାଙ୍କ କ୍ଷେତ୍ରରେ ରୋଗ ଭିନ୍ନ ଭିନ୍ନ ପ୍ରକାରର ହୋଇଥାଏ। ଏହା ସାଧାରଣତଃ ବୟସ ଉପରେ ନିର୍ଭର କରେ। ତେଣୁ ବର୍ତ୍ତମାନ ସ୍ଥିତିରେ ଜେନେଟିକ୍ ସ୍ତରୀୟ ରୋଗ ଜଣେ ବ୍ୟକ୍ତିର ସାମାଜିକ ଓ ଅର୍ଥନୈତିକ ପୃଷ୍ଠଭୂମି ଉପରେ ନିର୍ଭର କରିଥାଏ।
Comments are closed.