ଭାତ ଓ ରୁଟି ବିନା ଭାରତୀୟମାନଙ୍କ ଭୋଜନ ଅସମ୍ପୁର୍ଣ୍ଣ। ଦ୍ବିପହରର ଭୋଜନ ହେଉ କି ରାତ୍ରି ଭୋଜନ ହେଉ ଆମେ ରୁଟି ନ ହେଲେ ଭାତ ଖାଇଥାଉ। ଅନେକ ଲୋକମାନେ ଭାବିଥାଆନ୍ତି ଆମେ ଭୋଜନ କରୁଥିବା ଭାତ ଓ ରୁଟି ଉଭୟ ମଧ୍ୟରେ କେଉଁଟି ସ୍ବାସ୍ଥ୍ୟ ପାଇଁ ସର୍ବୋତ୍ତମ ଅଟେ। ଉଭୟ ମଧ୍ୟରୁ କେଉଁଥିରୁ ଅଧିକ ପୋଷଣ ମିଳିଥାଏ। ଆସନ୍ତୁ ଜାଣିବା ସେହି ସମ୍ବନ୍ଧରେ ..
ରୁଟି ଓ ଭାତ ଉଭୟରେ କାର୍ବୋହାଇଡ୍ରେଟ ଓ କ୍ୟାଲୋରୀର ମାତ୍ରା ସମାନ ପରିମାଣରେ ରହିଛି। କିନ୍ତୁ ରୁଟିରେ ଅଧିକ ପୋଷକ ତତ୍ତ୍ବ ରହିଛି। ଏହାସହ ଭାତ ଅପେକ୍ଷା ରୁଟିରେ ଅଧିକ ପ୍ରୋଟିନ ଓ ଫାଇବର ରହିଛି।
ଭାତରେ ଷ୍ଟାର୍ଚ୍ଚ ଥିବାରୁ ତାହା ଶୀଘ୍ର ହଜମ ହୋଇଥାଏ। ଏହାଦ୍ବାରା ବ୍ୟକ୍ତିଙ୍କୁ ଶୀଘ୍ର ଭୋକ ଲାଗେ। କିନ୍ତୁ ରୁଟି ଡେରିରେ ହଜମ ହୋଇଥାଏ। ତେଣୁ ରୁଟି ଖାଉଥିବା ବ୍ୟକ୍ତିଙ୍କୁ ଡେରିରେ ଭୋକ ଲାଗିଥାଏ। ତେଣୁ ଓଜନ ନିୟନ୍ତ୍ରଣ ରଖିବାକୁ ଚାହୁଁଥିବା ବ୍ୟକ୍ତିଙ୍କ ନିମନ୍ତେ ରୁଟି ଏକ ମୁଖ୍ୟ ଖାଦ୍ୟ ଅଟେ।
ଭାତ ଓ ରୁଟି ଉଭୟରେ ସମାନ ମାତ୍ରାରେ ଭିଟାମିନ ରହିଛି। ଉଭୟ ଜଳରେ ଦ୍ରବୀଭୂତ ହୋଇଯାଆନ୍ତି।
ରୁଟିରେ କ୍ୟାଲସିୟମ, ଫସଫରସ, ଆଇରନ ଓ ପୋଟାସିୟମ ରହିଛି। କିନ୍ତୁ ଭାତରେ ରୁଟି ସହ ସମାନ ପରିମାଣରେ ଆଇରନ ମିଳେ। ଏହାସହ ରୁଟି ହିସାବରେ ଭାତରେ ଫସଫରସ, ପୋଟାସିୟମ ଓ ମ୍ୟାଗ୍ନେସିୟମ କମ ପରିମାଣରେ ରହିଛି। ଭାତରେ କ୍ୟାଲସିୟମ ନଥାଏ।
ଦେଖିବାକୁ ଗଲେ ରୁଟିରେ ଭାତ ଅପେକ୍ଷା ଅଧିକ ଫାଇବର, ପ୍ରୋଟିନ, ସୋଡିୟମ ରହିଛି। ଭାତରେ ସୋଡିୟମର ମାତ୍ରା ନଥାଏ। ତେଣୁ ଖାଦ୍ୟରେ ସୋଡିୟମ ଖାଇବାକୁ ଚାହୁଁ ନଥିବା ବ୍ୟକ୍ତିମାନେ ଭାତ ଖାଇବା ଉଚିତ।
ରୁଟି ଓ ଭାତ ଉଭୟ ଖାଇବା ଦ୍ବାରା ରକ୍ତରେ ଶର୍କରାର ପରିମାଣ ବୃଦ୍ଧି ପାଇଥାଏ। ତେଣୁ ଆପଣ ଗୋଟିଏ ରୁଟି ଖାଉଥିଲେ ଗୋଟିଏ ଛୋଟ ପ୍ଲେଟର ଭାତ ଖାଇବା ଉଚିତ। ଏହାଦ୍ବାରା ସ୍ବାସ୍ଥ୍ୟ ଉତ୍ତମ ରହିଥାଏ।
