ରାଜସ୍ବ ନୀରିକ୍ଷକ ଚାକିରିରୁ ବହିଷ୍କୃତ

ଭବାନୀପାଟଣା : ଏକ ଲାଞ୍ଚ ମାମଲାରେ ଦୋଷୀ ସାବ୍ୟସ୍ତ ବର୍ତ୍ତମାନର ନର୍ଲା ରାଜସ୍ବ ନୀରିକ୍ଷକ ରମେଶ ବରାଡଙ୍କୁ ରାଜ୍ୟ ସରକାର ଚାକିରିରୁ ବହିଷ୍କୃତ କରିଛନ୍ତି। କର୍ଲାମୁଣ୍ଡା ତହସିଲରେ ଥିବାବେଳେ ବରାଡ ଏକ ଜମି ମାପଚୁପ ଘଟଣାରେ ୨ ହଜାର ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ଦ୍ବାରା ଧରାପଡିଥିଲେ। ଏହି ମାମଲାର ଶୁଣାଣି କରି କଳାହାଣ୍ଡି ସ୍ବତନ୍ତ୍ର ଭିଜିଲାନ୍ସ ବିଚାରପତି ଗତ ୩୧.୦୧.୨୦୨୫ ଦିନ ସମ୍ପୃକ୍ତ ରାଜସ୍ବ ନିରୀକ୍ଷକଙ୍କୁ ଦୋଷୀ ସାବ୍ୟସ୍ତ କରିଥିଲେ। ବରାଡ ଙ୍କୁ ୩ ବର୍ଷ ଜେଲ ଏବଂ ୨୦ ହଜାର ଟଙ୍କା ଜୋରିମାନା ଦଣ୍ଡାଦେଶ ଦେଇଥିଲେ। ସେହି ଆଧାରରେ ତାଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଭିଜିଲାନ୍ସ ପକ୍ଷରୁ ରାଜ୍ୟ ସରକାରଙ୍କୁ ସୁପାରିସ କରାଯାଇଥିଲା। ତଦନୁଯାୟୀ ରାଜ୍ୟ ସରକାର ଗତକାଲି ରମେଶ ବରାଡଙ୍କୁ ଚାକିରିରୁ ବହିଷ୍କାର କରିଥିବା ଭିଜିଲାନ୍ସ ପକ୍ଷରୁ ଏକ ପ୍ରେସ ଇସ୍ତାହାରରେ ସୂଚନା ଦିଆଯାଇଛି।