କେଶଦୁରାପାଳ : “ସମାଜ ର ପ୍ରଭାବ” ଅଙ୍ଗନବାଡ଼ିରେ ଅଣ୍ଡା ହଡପ ଘଟଣା ଅଣ୍ଡା ଫେରାଇଲେ ଅଙ୍ଗନବାଡି ଦିଦି । ସମଗ୍ର ଦେଶରେ କରୋନା ମହାମାରୀ ପାଇଁ ସରକାର ପ୍ରତ୍ୟେକ ଅଙ୍ଗନବାଡ଼ିର ପିଲାମାନଙ୍କ ପାଇଁ ୨୫ ଓ ଗର୍ଭବତୀଙ୍କ ପାଇଁ ୧୨ଟି ଲେଖାଏ ଅଣ୍ଡା ଓ ଚାଉଳ, ଛତୁଆ, ମକାଗୁଣ୍ଡ, ବାଦାମ ଲଡୁ ଆଦି ଅନେକ ଖାଦ୍ୟ ମାଗଣାରେ ସରକାର ଦେଉଛନ୍ତି । କିନ୍ତୁ କିଛି ଅସାଧୁ ଅଙ୍ଗନବାଡ଼ି ଦିଦି ମାନେ ଏହି ଖାଦ୍ୟରୁ କିଛି ଦେଇ କିଛି ପାଟିରେ ପକେଇ ହଡ଼ପ କରୁଥିବା ଖବର “ସମାଜ ଦୈନିକ ଖବରକାଗଜ ଗତ ୫ ତାରିଖରେ ପ୍ରକାଶ ପାଇବାପରେ ପ୍ରଶାସନ ତତ୍ପର ହୋଇ ତଦନ୍ତ ଆରମ୍ଭ କରିଛନ୍ତି । ଆନନ୍ଦପୁର ସିଡିପିଓ ଶ୍ରୀମତୀ ସତ୍ୟଭାମା ସେଠୀ ଓ ସୁପରଭାଇଜର ଶ୍ରୀମତୀ ମମତା ଜେନା ସିଧାସଳଖ ବେଲବାହାଳିରେ ପହଞ୍ଚି ଏ ସମ୍ପର୍କରେ ଲୋକମାନଙ୍କ ସହ ଆଲୋଚନା କରି ଅଙ୍ଗନବାଡି ଦିଦିଙ୍କୁ ତାଗିଦ୍ କରିବା ସହ ଅଙ୍ଗନବାଡି ଦିଦି ହଡ଼ପ କରିଥିବା ଅଣ୍ଡା ଗୁଡିକ ଯଥାଶୀଘ୍ର ଲୋକମାନଙ୍କୁ ଫେରାଇବେ ବୋଲି ସିଡିପିଓ ପ୍ରତିଶ୍ରୁତି ଦେଇଥିଲେ। ଏଥିରେ ସମସ୍ତ ଅଙ୍ଗବାଡି ଦିଦିମାନେ ସିଡ଼ିପିଓ ଙ୍କ ସମ୍ମାନ ରକ୍ଷା କରି ଛୁଆ ମାନଙ୍କୁ ଅଣ୍ଡା ଫେରାଇଛନ୍ତି । ଏଥିସହ ସରକାରଙ୍କ ପକ୍ଷରୁ ଆସୁଥିବା ଅନ୍ୟ ଖାଦ୍ୟ ସାମଗ୍ରୀ ଗୁଡିକ ମଧ୍ୟ ସଠିକ୍ ମାତ୍ରାରେ ଦିଆଯିବ ବୋଲି ଆଲୋଚନା କରିଥିଲେ। ବେଲବାହାଳି ଓ ହରିଡାପାଳ ପଞ୍ଚାୟତର ମୁଖ୍ୟ ବ୍ୟକ୍ତି ମାନଙ୍କୁ ନେଇ ଏକ କମିଟି ଗଠନ କରାଯାଇଛି । ଆଗାମୀ ଦିନରେ ଏଭଳି ଅନିୟମିତତା ଆଉ ନ ହେବା ପାଇଁ ଅଧିକାରୀମାନେ ଚେତାବନୀ ଦେଇଛନ୍ତି । ଏହି ସମୟରେ ସ୍ଥାନୀୟ ସରପଞ୍ଚ ଓ ସମିତିସଭ୍ୟଙ୍କ ସହ ଗ୍ରାମର ମୁଖିଆମାନେ ଉପସ୍ଥିତ ଥିଲେ ।
Comments are closed.