ଡେସ୍କ: ଉତ୍ତରକାଶୀର ଏକ ନିର୍ମାଣାଧୀନ ଟନେଲରେ ଉଦ୍ଧାର କାର୍ଯ୍ୟର ନେତୃତ୍ୱ ନେଇଥିବା ରାଜ୍ୟ ବିପର୍ଯୟ ପ୍ରଶମନ ବଳ ଏହାର ଭଙ୍ଗାରୁଜା ଅଂଶ ହଟାଇବା ଆରମ୍ଭ କରିଛି। ଉତ୍ତରକାଶୀ ଜିଲ୍ଲାର ଯମୁନୋତ୍ରୀ ଜାତୀୟ ରାଜପଥରେ ଭୁଶୁଡ଼ି ପଡ଼ିଥିବା ଟନେଲର ଭଙ୍ଗାରୁଜା ଅଂଶ ତଳେ ଅତି କମରେ ୩୬ ଜଣ ଶ୍ରମିକ ଫସି ରହିଥିବାର ଆଶଙ୍କା କରାଯାଉଛି।
ଏହାପୂର୍ବରୁ ଉତ୍ତରାଖଣ୍ଡ ଜିଲ୍ଲା ମାଜିଷ୍ଟ୍ରେଟ ଅଭିଷେକ ରୁହେଲା କହିଛନ୍ତି ଯେ ନିର୍ମାଣାଧୀନ ଟନେଲ ଭିତରେ ଫସି ରହିଥିବା ଶ୍ରମିକମାନଙ୍କୁ ଉଦ୍ଧାର କରିବା ପ୍ରଶାସନର ପ୍ରାଥମିକତା ଅଟେ ଏବଂ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଛି। ଜିଲ୍ଲା ମାଜିଷ୍ଟ୍ରେଟ ଜିଲ୍ଲାର ସମସ୍ତ ଅଧିକାରୀଙ୍କ ଛୁଟି ବାତିଲ କରିବା ସହ ସେମାନଙ୍କୁ ତୁରନ୍ତ ନିଜ ନିଜ କର୍ମକ୍ଷେତ୍ରରେ ଯୋଗଦେବାକୁ ଏବଂ ରିଲିଫ ଓ ଉଦ୍ଧାର କାର୍ଯ୍ୟ ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି। ଉତ୍ତରକାଶୀ ଏସପି ଅର୍ପନ ଯଦୁବଂଶୀ କହିଛନ୍ତି, ସିଲ୍କିରାକୁ ଦାନ୍ଦଲଗାଓଁକୁ ସଂଯୋଗ କରୁଥିବା ନିର୍ମାଣାଧୀନ ଟନେଲର ଏକ ଅଂଶ ଶନିବାର ରାତିରେ ଭୁଶୁଡି ପଡିଛି। ଟନେଲର ଏକ ଅଂଶ ବ୍ରହ୍ମାଖାଲ-ପୋଲଗାଓଁର ସିଲ୍କିରା ପାର୍ଶ୍ୱରେ ଆରମ୍ଭ ସ୍ଥାନଠାରୁ ପ୍ରାୟ ୨୦୦ ମିଟର ଆଗରେ ଭୁଶୁଡି ପଡିଛି।
ଏହି ଟନେଲ ନିର୍ମାଣ ପାଇଁ ଚୁକ୍ତି ହୋଇଥିବା ହାଇଡ୍ରୋ ଇଲେକ୍ଟ୍ରିକ୍ ଇନଭେଷ୍ଟମେଣ୍ଟ ଆଣ୍ଡ ଡେଭଲପମେଣ୍ଟ କମ୍ପାନୀ ଲିମିଟେଡ୍ ଅଧିକାରୀଙ୍କ ଅନୁଯାୟୀ ପ୍ରାୟ ୩୬ ଜଣ ଲୋକ ଭୁଶୁଡି ପଡିଥିବା ଟନେଲ ତଳେ ଫସି ରହିଛନ୍ତି ଏବଂ ସେମାନଙ୍କୁ ଜୀବନ୍ତ ଉଦ୍ଧାର କରି ବାହାରକୁ ଆଣିବା ପାଇଁ ଉଦ୍ୟମ ଚାଲିଛି।
Comments are closed.