ରେଙ୍ଗାଲିକ୍ୟାମ୍ପ: ବରଗଡ଼ ଜିଲା ଅତାବିରା ବ୍ଲକ ଦେଇ ଯାଇଥିବା ରେଳ ଲାଇନର ଦେବାହାଳରୁ ବରଗଡ଼ ମଝିରେ ଖୁଣ୍ଟି ନମ୍ୱର ୫୯୮/୧୩ ନିକଟରେ ଅପ୍ ପଡାଉନ୍ ଲାଇନ୍ ମଝିରେ ସୋମବାର ଜଣେ ଅଜଣା ଯୁବକଙ୍କ ମୃତଦେହ ଉଦ୍ଧାର ହୋଇଛି। ରେଲୱେ ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦେବାହଲ ଷ୍ଟେସନ ମାଷ୍ଟର ସମ୍ବଲପୁର ରେଳୱେ ପୁଲିସକୁ ଏହି ଖବର ଦେବାପରେ ଅପରାହ୍ନ ପ୍ରାୟ ୪ ଟାରେ ସମ୍ବଲପୁର ରେଲୱେ ପୁଲିସ ଏଏସଆଇ ଜ୍ୟୋତ୍ସ୍ନା ମହାନ୍ତି, କନଷ୍ଟେବଳ ଏସ ଏସ ଶେଖର ଘଟଣା ସ୍ଥଳରେ ପହଞ୍ଚି ଯୁବକଙ୍କ ମୃତଦେହ ଜବତ କରିଥିଲେ। ଯୁବକଙ୍କ ବୟସ ପ୍ରାୟ ୨୫ ବର୍ଷ ହେବ ବୋଲି ଅନୁମାନ କରାଯାଉଛି। ମୃତ ଯୁବକଙ୍କ ଶରୀରରେ ଗୋଟିଏ ନୀଳ ରଙ୍ଗର ଜିନ୍ସ ପ୍ୟାଣ୍ଟ୍, ଧଳା ସାର୍ଟ ଓ କଳା ରଙ୍ଗର ଗୋଟିଏ ସ୍ୱେଟର ରହିଛି।ତାଙ୍କର ବାମ ପଟରେ ଆଘାତ ହୋଇଛି। ତାଙ୍କ ପାଖରେ ଏମିତି କୌଣସି ଜିନିଷ ନାହିଁ, ଯେଉଁଥିରୁ ତାଙ୍କର ପରିଚୟ ମିଳିପାରିବ।ତେଣୁ ତାଙ୍କର କିଛି ଠିକଣା ଏଯାଏ ଜଣାପଡ଼ି ନାହିଁ। ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଯାଇଛି। ବ୍ୟବଚ୍ଛେଦ ପରେ ମୃତ ଶରୀରକୁ ୯୬ ଘଣ୍ଟା ଶବ ଗୃହରେ ରଖାଯିବ। ଏହି ସମୟ ଭିତରେ ଯଦି ତାଙ୍କର କେହି ପରିଚିତ ବ୍ୟକ୍ତି ଆସନ୍ତି, ତେବେ ତାଙ୍କୁ ମୃତଦେହ ହସ୍ତାନ୍ତର କରାଯିବ। ୯୬ ଘଣ୍ଟା ଭିତରେ କେହି ପରିଚିତ ନ ଆସିଲେ ତା’ ପରେ ଶବ ସତ୍କାର ପୁଲିସ ଦ୍ବାରା କରାଯିବ।
Popular Categories
Previous article
Next article