ରେଙ୍ଗାଲିକ୍ୟାମ୍ପ : ଅତାବିରା ବ୍ଲକ ଦେବାହାଳ ଗୋଲେଇ ରାସ୍ତା ୫୩ ନଂ ଜାତୀୟ ରାଜପଥରେ ଗତ ବିଳମ୍ବିତ ରାତିରେ ଏକ କୋଇଲା ବୋଝେଇ ଟ୍ରକ ଚାପରେ ଦୁଇ ବାଇକ୍ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି । ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ ବିଶାଖାପାଟଣାରୁ ଝାରସୁଗୁଡ଼ା ଅଭିମୁଖେ ଯାଉଥିବା ଏକ କୋଇଲା ବୋଝେଇ ଟ୍ରକ ସମ୍ବଲପୁର ଅଭିମୁଖେ ଯାଉଥିବା ଦୁଇଜଣ ବାଇକ୍ ଆରୋହୀଙ୍କୁ ପଛ ପଟୁ ଧକ୍କା ଦେବା ଫଳରେ ସେମାନେ ପଡିଯାଇ ଟ୍ରକ୍ ତଳେ ଚାପି ହୋଇ ଯାଇଥିଲେ।
ଟ୍ରକ୍ ଟି ନିଜର ଭାରସାମ୍ୟ ହରାଇ ଓଲଟି ପଡିଥିଲା। ଅଳ୍ପକେ ବର୍ତ୍ତି ଯାଇଥିଲେ ଟ୍ରକ୍ ଚାଳକ ଉଜ୍ଜଳ କିଶୋର ବାଗ। ସେ ଦୌଡ଼ି ଖସି ଯିବାର ପ୍ରୟାସ କରୁଥିବା ବେଳେ ସ୍ଥାନୀୟ ଲୋକଙ୍କ ଦ୍ଵାରା ପୁଲିସ ଖବର ପାଇ ବିଲ ଭିତରେ ଧରିବାରେ ସଫଳ ହୋଇଥିଲେ । ମୃତ ବ୍ୟକ୍ତି ଦୁଇ ଜଣଙ୍କ ମଧ୍ୟରୁ ଜଣେ ଧାନ କଉଡାର କମଲେସ ସାହୁ ବୋଲି ଜଣାପଡ଼ିଛି । ଅନ୍ୟ ଜଣକର ପରିଚୟ ମିଳି ନାହିଁ। କମଲେସ ସିନ୍ଦୂର ପଙ୍କ କେନାଲ ବିଭାଗରେ କାମ କରନ୍ତି ବୋଲି ବିଶ୍ବସ୍ତ ସୂତ୍ରରୁ ଜଣାପଡ଼ିଛି। ଏହି ରାସ୍ତାରେ ସର୍ଭିସ୍ ରାସ୍ତା ନଥିବାରୁ ଜାତୀୟ ରାଜପଥରେ ଲୋକଙ୍କ ଅଧିକ ଯାତାୟାତ ଲାଗି ରହୁଛି । ଅସମ୍ପୂର୍ଣ୍ଣ ରାସ୍ତା ଯୋଗୁ ମୁଣ୍ଡ ପରେ ମୁଣ୍ଡ ଗଡି ଚାଲିଛି। ଏ ନେଇ ଜନ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।
Comments are closed.