ରେଙ୍ଗାଲିକ୍ୟାମ୍ପ: ଅତାବିରା ଏନଏସିର ୱାର୍ଡ ନଂ ୪ ଇଣ୍ଡୋର ଷ୍ଟାଡିୟମ୍ ସମ୍ମୁଖରେ ଥିବା କଟକିଆପଡ଼ାରେ ଆଣ୍ଠୁଏ ପାଣି ଜମି ରହିଛି। ଘରମାନଙ୍କରେ ପାଣି ପ୍ରବେଶ କରି ଲୋକଙ୍କ ଜୀବନ ଶୈଳୀକୁ ପ୍ରଭାବିତ କରିଛି। ମାଟି ଘରଗୁଡ଼ିକର କାନ୍ଥ ଭୁଶୁଡ଼ି ପଡ଼ିଲାଣି। ପଡ଼ାରେ ରହୁଥିବା ଟଙ୍କ ମଲ୍ଲିକଙ୍କ ଘରର କାନ୍ଥ ଭାଙ୍ଗିବା ସହ କୃଷ୍ଣ ମଲ୍ଲିକ ଓ ସୁଷମା ମଲ୍ଲିକଙ୍କ ଘରେ ପାଣି ପଶି ସମସ୍ତ ଆସବାବପତ୍ର ନଷ୍ଟ ହୋଇଯାଇଛି। ପରିବାର ଲୋକେ ଅନ୍ୟତ୍ର ଆସି ରହୁଛନ୍ତି। ଜୀବନ ବିପର୍ଯ୍ୟସ୍ତ ହୋଇପଡ଼ିଛି ପଡ଼ାବାସୀଙ୍କର। ଆଉ ଦିନେ ଅଧେ ବର୍ଷା ଲାଗି ରହିଲେ ପଡ଼ାର ସମସ୍ତ ଘର ପାଣିରେ ବୁଡ଼ିଯିବାର ସମ୍ଭାବନା ରହିଛି। ଜଳ ନିଷ୍କାସନ ହୋଇ ପାରୁନାହିଁ। ଏନେଇ ଏନଏସି କର୍ତ୍ତୃପକ୍ଷଙ୍କୁ ଜଣାଇଛନ୍ତି ପଡ଼ାବାସୀ। ପଡ଼ାର ପଛପଟେ ଥିବା ଖାଲ ସ୍ଥାନରେ ଜମିଥିବା ପାଣି ଯୋଗୁଁ ଏହି ପଡ଼ାକୁ ଜଳ ପ୍ରବେଶ କରୁଛି। ଏହା ସହିତ ବିଷଧର ଜୀବ ଜନ୍ତୁଙ୍କର ମଧ୍ୟ ଭୟ ରହୁଛି। ସନ୍ତସନ୍ତିଆ ହୋଇ ମଶା ମାଛିଙ୍କ ପ୍ରାଦୁର୍ଭାବ ମଧ୍ୟ ବଢୁଛି। ଏହି ପଡ଼ାବାସୀଙ୍କ ସ୍ବାସ୍ଥ୍ୟ ତଥା ଦୁର୍ବିସହ ଅବସ୍ଥାକୁ ଦୃଷ୍ଟିରେ ରଖି ଏନଏସି ପକ୍ଷରୁ ଏହାର ସ୍ଥାୟୀ ସମାଧାନ କରିବା ପାଇଁ ତୁରନ୍ତ ପଦକ୍ଷେପ ନିଆଯାଉ ବୋଲି ପଡ଼ାବାସୀ ଦାବୀ କରିଛନ୍ତି।
Popular Categories
Previous article
Next article