ରେଙ୍ଗାଲିକେମ୍ପ୍ : ବରଗଡ଼ ଜିଲ୍ଲା ଅତାବିରା ବ୍ଲକ ଓକିଲ ସଂଘର ପୂର୍ବତନ ସଭାପତି ତଥା ଯୁବ ଆଇନଜୀବୀ ରାକେଶ ପାଢ଼ୀ(୫୪)ଙ୍କ ପରଲୋକ ଘଟିଛି। ଗୁରୁବାର ବିଳମ୍ବିତ ରାତିରେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ବିୟୋଗ ଘଟିଯାଇଛି। ସେ ଜଣେ ଦକ୍ଷ, କର୍ମବୀର ଓ ଜଣେ ସମାଜସେବୀ ଭାବରେ ଅଞ୍ଚଳରେ ବେଶ୍ ପରିଚିତ ଥିଲେ।
ପ୍ରକାଶ ଥାଉକି, ୨୦୧୧ ମସିହାରେ ସେ ଜେସିଆଇର ସଭାପତି ଭାବେ କାର୍ଯ୍ୟ ତୁଲାଇ ବେଶ୍ ସୁନାମ ଅର୍ଜନ କରିଥିଲେ। ଏହାପରେ ୨୦୧୩ ରୁ ୨୦୧୮ ପର୍ଯ୍ୟନ୍ତ ଅତାବିରା ଓକିଲ ସଂଘର ସଭାପତି ଦାୟିତ୍ଵ ତୁଲାଇ ଥିଲେ। ଏହା ବ୍ୟତୀତ ୨୦୧୪ ରୁ ୨୦୨୧ ପର୍ଯ୍ୟନ୍ତ ସେ ଲଦେରପାଲି ସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରରେ ଉପ ସଭାପତି ରୂପେ କାର୍ଯ୍ୟ କରି ଆସିଥିଲେ। କିନ୍ତୁ ଦୁଃଖର ବିଷୟ ସେ ପ୍ରାୟ ଗୋଟିଏ ବର୍ଷ ହେବ କର୍କଟ ରୋଗରେ ପୀଡିତ ଥିଲେ। ଭୁବନେଶ୍ୱରରୁ ଆଜି ତାଙ୍କ ମର ଶରୀରକୁ ଅଣାଯାଇ ଅତାବିରା ସ୍ବର୍ଗ ଦ୍ବାର ଠାରେ ତାଙ୍କର ଅନ୍ତିମ ସଂସ୍କାର କରାଯାଇଛି। ତାଙ୍କ ବିଧବା ପତ୍ନୀ ମମତା ପାଢ଼ୀ, ବିଧବା ମାଆ, ସାନ ଭାଇ ମୁକେଶ ପାଢ଼ୀ, ଝିଅ ନିଶା, ପୁଅ ତଥା ବନ୍ଧୁ ବର୍ଗଙ୍କୁ ଶୋକ ସାଗରରେ ଭସାଇ ଦେଇ ସେ ଚାଲିଯାଇଛନ୍ତି। ତାଙ୍କ ବିୟୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ଓକିଲ ସଂଘର ସଭାପତି ଉନିକୃଷ୍ଣା ନାୟାର, ସମ୍ପାଦକ ଅରବିନ୍ଦ ଶୁସାରି, ବରିଷ୍ଠ ନାଗରିକ ସଂଘର ବେଣୁଧର ମିଶ୍ର ଓ କର୍ମ କର୍ତ୍ତା, ଏ ପି ପି ବିକାଶ ମିଶ୍ର, ରୋଟାରୀର ବିରେନ୍ଦ୍ର ଵାଙ୍କା, ରାଜେଶ୍ ଅଗ୍ରୱାଲ ତଥା ବିଭିନ୍ନ ଅନୁଷ୍ଠାନର କର୍ମକର୍ତ୍ତା ଓ ବିଭିନ୍ନ ଦଳୀୟ ନେତା ତାଙ୍କର ଶେଷ ଦର୍ଶନ କରିଥିଲେ। ପୁଅ ମାନସ ପାଢ଼ୀ ମୁଖାଗ୍ନି ଦେଇଥିଲେ।
