bjd  ek lkhya koti banner

୭୫ ବର୍ଷ ବୟସ୍କା ବିଧବାଙ୍କ କାନ୍ଧରେ ୨ ଛେଉଣ୍ଡ ଶିଶୁଙ୍କ ପ୍ରତିପୋଷଣ ବୋଝ, ସହାୟତା ପାଇଁ ମୁଖ୍ୟମନ୍ତ୍ରୀଙ୍କୁ ଗୁହାରୀ

୨୦ କେଜି ଚାଉଳ ଏବଂ ୫ଶହ ଟଙ୍କା ଭତ୍ତା ହିଁ ଭରସା

mission shakti banner

ରେଙ୍ଗାଲି: ଆର୍ଥିକ ସହାୟତା ଯୋଗାଇ ଦେବାକୁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କରିଛନ୍ତି ବାପା, ମାଆ ଛେଉଣ୍ଡ ଦଶମ ଶ୍ରେଣୀର ଛାତ୍ରୀ ପାୟଲ ବନଛୁର। ସମ୍ବଲପୁର ଜିଲା ରେଙ୍ଗାଲି ବ୍ଲକ ଝାଙ୍କରପାଲି ଗ୍ରାମ ପଞ୍ଚାୟତ ଥପାପାଲି ଗ୍ରାମର ବାସିନ୍ଦା ଫୁଲ ବନଛୁର। ୧୦ ବର୍ଷ ତଳେ ତାଙ୍କ ସ୍ୱାମୀଙ୍କ ମୃତ୍ୟୁ ହୋଇଥିଲା। ୨୦୧୬ ଏବଂ ୨୦୧୭ ଗୋଟିଏ ବର୍ଷ ବ୍ୟବଧାନରେ ବୋହୂ ଯାଜ୍ଞସେନି ଏବଂ ପୁଅ ସୁରୁଚାନ୍ଦଙ୍କର ବି ପରଲୋକ ହୋଇଥିଲା। ପୁଅବୋହୁ ଫୁଲ ବନଛୁର ପାଖରେ ଛାଡି ଚାଲିଗଲେ ନାତୁଣି ପାୟଲ ଏବଂ ନାତି ରଜତକୁ। ଫୁଲ ବନଛୁର କାନ୍ଧରେ ବାପା ମାଆ ଛେଉଣ୍ଡ ନାତି,ନାତୁଣି ଏବଂ ନିଜର ରୋଗୀଣା ଝିଅ କୈଲାଶିନିର ପ୍ରତିପୋଷଣ ଲାଲନପାଳନର ବୋଝ ଲଦି ଦେଇ ସ୍ୱାମୀ, ପୁଅ, ବୋହୁ ଛାଡି ଚାଲିଗଲେ। ନାତୁଣି ପାୟଲ ଏବେ ୧୦ମ ଶ୍ରେଣୀର ଛାତ୍ରୀ। ନାତି ରଜତ ୨ୟ ଶ୍ରେଣୀର ଛାତ୍ର। ଜମିବାଡି କିଛି ନାହିଁ । ନିତ୍ୟ ବ୍ୟବହାର୍ଯ୍ୟ ଜିନିଷ ପତ୍ରର ଦରଦାମ୍ ଅକାଶ ଛୁଅାଁ। ଏଭଳି ସ୍ଥିତିରେ ପରିବାର ପ୍ରତିପୋଷଣ କରି ନାତି ନାତୁଣୀଙ୍କ ପାଠପଢା, ରୋଗୀଣା ଝିଅ କୈଲାଶିନୀର ଚିକିତ୍ସା ଖର୍ଚ୍ଚ ବହନ କରିବା କଷ୍ଟକର ହୋଇପଡୁଛି। ତାଙ୍କ ରାସନ କାର୍ଡ ଜରିଆରେ ମିଳୁଥିବା ୨୦ କେଜି ଚାଉଳ ଏବଂ ୫ଶହ ଟଙ୍କା ବିଧବା ଭତ୍ତା ହିଁ ଭରସା। ପରିଣତ ବୟସ ରେ ଉପନୀତ ଫୁଲ ବନଛୁରଙ୍କ ପାଇଁ ନାତି, ନାତୁଣି ଏବଂ ରୋଗୀଣା ଝିଅ କୈଲାଶିନିଙ୍କ ପ୍ରତିପୋଷଣ କରିବା ଅସମ୍ଭାଳ ହୋଇପଡିଛି। ଏଭଳି ଅଭାନିୟ ପରିସ୍ଥିତିରେ ଜୀବନ ଅତିବାହିତ କରୁଥିବାରୁ ଆର୍ଥିକ ସହାୟତା ଯୋଗାଇ ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ପାୟଲ ଚିଠି ଲେଖି ଆକୁଳ ନିବେଦନ କରିଛନ୍ତି।

Comments are closed.